Elordada «Rýhanı kelisim – beıbitshiliktiń negizi» atty halyqaralyq konferentsııa ótti

NUR-SULTAN. QazAqparat - Keshe,18 qazan kúni Nur-Sultan qalasynda Rýhanı kelisim kúni men Dúnıejúzilik rýhanı mádenıet forýmynyń 10 jyldyǵy aıasynda «Rýhanı kelisim – beıbitshiliktiń negizi» taqyrybynda halyqaralyq konferentsııa ótti, dep habarlaıdy QazAqparat.

Sharaǵa Qazaqstan Respýblıkasy Aqparat jáne qoǵamdyq damý vıtse-mınıstri – M.Ázilhanov, Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń Basqarma tóraǵasy – A.Ábıbýllaev, Nur-Sultan qalasy ákimdiginiń Din isteri basqarmasynyń basshysy Nurdaýlet Álmuhanov, «Beıbitshilikke mádenıet arqyly» halyqaralyq qaýymdastyǵynyń prezıdenti – T.Muhamedjanov, sondaı-aq Reseı, AQSh, Úndistan, Avstrııa, Shveıtsarııa, Germanııa, Lıvan jáne basqa elderden belgili memleket jáne qoǵam qaıratkerleri, dinı birlestikter men azamattyq qoǵam ınstıtýttarynyń ókilderi, ǵylymı qoǵamdastyq ókilderi, halyqaralyq sarapshylar qatysty.

Konferentsııanyń maqsaty - azamattardy ortaq rýhanı-adamgershilik qundylyqtarǵa toptastyryp, qazaqstandyq qoǵamda jáne búkil álemde beıbitshilik pen turaqtylyq, toleranttylyq, rýhanı kelisim ıdeıalaryn nasıhattaý.

Konferentsııa barysynda qatysýshylar memlekettik-konfessııalyq jáne konfessııaaralyq qatynastar salasyndaǵy ózekti máselelerdi, ulttyq ıdeıaǵa negizdelgen qazaqstandyq biregeılikti nyǵaıtý mindetterin, sondaı-aq elde jáne álemde dinaralyq dıalog pen ózara túsinistikti ilgeriletýde azamattyq qoǵamnyń róliniń artýyn talqylady.

Eske sala keteıik, Rýhanı kelisim kúnin atap ótý tarıhy 1992 jyly qazan aıynda Almaty qalasynda Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń bastamasymen uıymdastyrylǵan alǵashqy Dúnıejúzilik rýhanı kelisim kongresin ótkizýmen baılanysty.

Sharaǵa qatysýshylar janjaldar men qaqtyǵystarǵa moratorıı jarııalaý kúni, tatýlasý kúni, jaqynyńa meıirimdilik pen kómek kórsetý kúni retinde - 18 qazandy Rýhanı kelisim kúni dep jarııalaýǵa shaqyrdy.