Elordada Rýhanı qazyna respýblıkalyq festıvali bastaldy

NUR-SULTAN. QazAqparat - 21-23 mamyr kúnderi elordada Mádenıet jáne óner salasy uıymdary men qyzmetkerleriniń II «Rýhanı qazyna» festıvali ótedi, dep habarlaıdy QazAqparat tilshisi.

Mádenıet pen óner salasy qyzmetkerleri kúnine uıymdastyrylǵan bul sharaǵa respýblıka óńirlerinen 250-ge jýyq qatysýshy keldi.

«Munda mýzeı, kitaphana jáne mádenıet úıleriniń qyzmetkerleriniń tájirıbe almasatyn alańyn qurǵymyz keldi. Qazaqstannyń barlyq óńirinen kelgen mamandarǵa sheberlik sabaqtaryn ótkizemiz. Sonymen birge, mádenıet salasyndaǵy qyzmetkerlerdi yntalandyrýdy, óńirlik mádenıet uıymdarynyń ımıdjin nyǵaıtýdy maqsat ettik. Máselen, ótken jylǵy festıvaldiń nátıjesinde aýyldyq jerlerde kovorkıng-ortalyqtar ashyldy. Mádenıet úılerinde - jańa úıirmeler men jańa formattaǵy kitaphanalar paıda boldy», - dedi QR Mádenıet jáne sport mınıstrligi Mádenıet jáne óner isteri departamenti dırektorynyń orynbasary Maqsat Arǵynbekov.

Festıval aıasynda plenarlyq otyrys, QR Mádenıet jáne sport mınıstrliginiń janynan qurylǵan jas jazýshylar men aqyndar keńesiniń otyrysy, sheberlik synyptary ótedi jáne suhbat alańary qurylady.

Sondaı-aq, shara barysynda memlekettik mýzeıler men memlekettik kitaphanalar arasynda ótetin respýblıkalyq «Rýhanı qazyna-2019» baıqaýynyń nátıjesi jarııalanyp, úzdikter marapattalady.