Elordada protezdik-ortopedııalyq buıymdar óndirisi iske qosyldy

NUR-SULTAN. QazAqparat – Elordanyń qorshaǵan ortany qorǵaý jáne tabıǵatty paıdalaný basqarmasy 2020 jyly «Kazecotech ǵylymı-tehnıkalyq kásiporny» JShS-men qaýipti qaldyqtardy basqarý boıynsha memlekettik-jekeshelik áriptestik shartyn jasasty. Nátıjesinde qaıta óńdelgen materıaldar protezdik-ortopedııalyq buıymdardy daıyndaý kezinde paıdalanylatyn bolady, dep habarlaıdy QazAqparat qala ákimdiginiń resmı saıtyna silteme jasap.

Basqarmanyń usynymy negizinde iske qosylǵan MJÁ aıasynda modýldik tseh salyndy, ol Nur-Sultanda protezdik-ortopedııalyq kómek kórsetý ortalyǵyn qurýdyń alǵashqy qadamy bolyp sanalady, sondyqtan elordada turatyn múgedek jandar Qazaqstannyń basqa óńirlerine barmaı-aq tolyq qyzmet túrin ala alady.

Tehnologııalyq protseste armatýralaıtyn materıal jáne t.b. sııaqty qaldyqtardy qaıta óńdeý kezinde alynatyn baǵaly materıaldyq resýrstar paıdalanylatyn bolady.

Nur-Sultan qalasy ákimdiginiń qoldaýymen jekemenshik áriptester ońaltýdyń tehnıkalyq quraldary jáne protezdik-ortopedııalyq buıymdar salasyndaǵy álemdik kóshbasshy – Ottobock (Germanııa) nemis kontsernimen kelissózder júrgizdi. Óz kezeginde olar elordalyq jobany qoldap qana qoımaı, ony júzege asyrýǵa belsendi qatysýda. Nátıjesi uzaqqa sozylmady: alǵashqy patsıentter aıaǵynan tik turyp qalypty ómirge qaıta keldi.

Endi ottobock protezderi boıynsha kómek kórsetý Qazaqstan astanasynda da bolady. Bul rette joba buıymdardy óndirý kezinde qaıta óńdelgen shıkizatty paıdalanýdyń arqasynda qala ekologııasyn jaqsartýǵa úlken úles qosady.