Elordada Prezıdent reformalary jaıynda saraptamalyq baıandama tanystyryldy

NUR-SULTAN. QazAqparat - Qazaqstannyń halyqaralyq qatynastar jónindegi keńesi tanymal saıasattanýshy Andreı Chebotarevtiń avtorlyǵymen «Qazaqstandaǵy reformalar: Nıetten is-áreketke» dep atalatyn saraptamalyq baıandamany jaryqqa shyǵardy, dep habarlaıdy QazAqparat tilshisi.

«Baıandama prezıdenttik reformalarǵa arnalǵan. Qasym-Jomart Toqaevtyń Prezıdent laýazymyndaǵy eki jyldyń ishinde reformalardyń barynsha aýqymdy toptamasy júzege asyryldy. Onyń ústine reformalar túrli salalardy qamtıdy. Onyń reformalarynyń negizi «halyq únine qulaq asatyn memleket» tujyrymdamasy sanalady jáne ol bıliktiń azamattarmen ózara qarym-qatynasynda múldem jańa negiz qalyptastyrdy. Protsesterdiń ishinde júrgende júrgizilip jatqan reformalardyń aýqymy men jyldamdyǵyn barlyq ýaqytta sezine alamyz. Bul baıandamada sarapshy kózqarasy turǵysynda prezıdenttik reformalardy baıytyp, júıeleýge tyrystym», - dedi Alekseı Chebotarev.

Zertteý jumysynda avtor júrgizilgen júıeli reformalar hronologııasy men kezeńderin usynyp, basty salalardaǵy prezıdenttik bastamalarmen baıyta túsken. Sonymen qatar baıandamada elimizdiń is basyndaǵy basshylyǵynyń saıası baǵdary turǵysynda Qazaqstanda oryn alǵan saıası jáne áleýmettik-ekonomıkalyq ózgeristerge shynaıy baǵa berýge umtylys baıqalady.