Elordada polıtsııaǵa jalǵan habarlama bergen 14 jastaǵy jasóspirim ustaldy
«10 sáýirde Polıtsııa departamentiniń Jedel basqarý ortalyǵyna belgisiz bireý qońyraý shalyp, qazir ózinde jarylyp ketetin granata baryn habarlaǵan. Jedel-izdestirý sharalaryn júrgizý kezinde polıtsııa qyzmetkerleri 2005 jyly týǵan jasóspirimdi ustady. Anasymen birge jasóspirim polıtsııa bólimine jetkizildi», - dep habarlaıdy Polıtsııa departamentinen.
Jas bala úıde ishi pysyp, óziniń aıtýynsha «qaljyń úshin» polıtsııaǵa qońyraý shalyp, granata týraly habarlaǵan. Atalǵan fakt boıynsha QR QK 273-baby (Terrorızm aktisi týraly kórineý jalǵan habar berý) boıynsha qylmystyq is qozǵaldy.
Qazir tergeý amaldary júrgizilip jatyr. Polıtsııa qyzmetkerleri Qylmystyq kodekstiń 273-babyna sáıkes,«Terrorızm aktisi týraly kórineý jalǵan habarlama taratý» bes jylǵa deıingi merzimge bas bostandyǵyn shekteý nemese sol merzimge bas bostandyǵynan aıyrý nemese 5 000 AEK aıyppul kólemindegi aıyppulmen jazalanatynyn eskertedi. Zańǵa sáıkes, on tórt jastaǵy bala da terrorızm aktisi týraly kórineý jalǵan habar bergeni úshin qylmystyq jaýapkershilikke tartylady.
2020 jyldyń basynan beri elordada «telefon terrorızmine» qatysty úsh oqıǵa tirkelgen.