Elordada páterden órt shyǵyp, 30 adam evakýatsııalandy

<p>ASTANA. KAZINFORM &ndash; Astanada kópqabatty turǵyn úıde páterden órt shyqty. Órt sóndirýshiler tilsiz jaýmen kúresip jatyr.</p>

«15 aqpan kúni saǵat 18:21-de Astana qalasy Tótenshe jaǵdaı departamenti bólimshesi Táýelsizdik dańǵyly, 21 mekenjaıyna bardy. 8 mınýttan keıin órt sóndirýshiler páterdiń órtenip jatqanyn anyqtady. Páterden avtokólik satysynyń kómegimen áıel qutqarylyp, jedel járdem brıgadasyna tapsyryldy», - dedi Tótenshe jaǵdaılar departamentiniń baspasóz qyzmetinen.

Aqparatta aıtylǵandaı, órtpen kúreske 26 maman jáne 7 tehnıka jumyldyryldy. 

Foto: TJD

«Páterdiń as bólmesiniń (15 sharshy metr) tóbesi, jıhaz (dıvan) jáne basqa da zattar janǵan. Órt sóndirýshiler 30 adamdy qaýipsiz jerge evakýatsııalady. Olardyń arasynda 3 adam, 12 bala jáne 1 sábı bar. Qutqarylǵan 3 adamdy jedel járdem brıgadasy tekserip jatyr», - dedi departamentten.