Elordada páter alaıaqtyǵyna qatysty kúdikti 6 jylǵa sottaldy
Astana qalasynyń qylmystyq ister jónindegi aýdanaralyq soty asa iri mólsherdegi alaıaqtyq faktisi boıynsha E.-ge qatysty úkim shyǵardy. Kúdikti páterdi satyp alý-satý salasynda qyzmet kórsete almaıtynyna qaramastan, aldaý jolymen jábirlenýshi A.-nyń 20 mln. teńge somasynda aqshalaı qarajatyn ıemdenip, ony óz qalaýy boıynsha basqarǵan.
Sottalýshynyń kinási jábirlenýshi men kýágerdiń aıǵaqtarymen, áńgimeler3yiń aýdıojazbasymen, E.-niń aqshany qaıtarýǵa mindettengen jábirlenýshi men sottalýshynyń arasyndaǵy «WhatsApp» hat-habarlarymen dáleldendi.
Sotta prokýror aıypty qoldap, múlkin tárkilemeı, 7 jylǵa bas bostandyǵynan aıyrý jazasyn taǵaıyndaýdy surady.
Sottalýshy kinásin moıyndamady, al qorǵaýshy tarap qylmys quramynyń bolmaýyna baılanysty ony aqtaýdy surady.
QK 190-babs 4-bóliginiń sanktsııasy múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan 10 jylǵa deıingi merzimge aıyra otyryp nemese onsyz, 5 jyldan 10 jylǵa deıingi merzimge bas bostandyǵynan aıyrý túrindegi jazany kózdeıdi.
Sot kámeletke tolmaǵan balasynyń bolýyn jazany jeńildetetin mán-jaı dep tanydy.
Aýyrlatatyn mán-jaılar anyqtalǵan joq.
Sot úkimimen E.QK-niń 190-baby 4-bóligi 2-boıynsha kináli dep tanylyp, 6 jylǵa bas bostandyǵynan aıyryldy.
Jábirlenýshiniń materıaldyq zalaldy óteý týraly azamattyq talaby qanaǵattandyryldy.
Úkim zańdy kúshine engen joq.