Elordada paralımpıadalyq bochchadan el chempıonaty aıaqtaldy
Jarys 1-3 maýsym aralyǵynda Jaqsylyq Úshkempirov atyndaǵy jekpe-jek saraıynda ótti.
Máýlen Áshimbaev úsh kúnge jalǵasqan tartysqa toly saıys jankúıerlerge kóterińki kóńil-kúı syılaǵanyn jáne oıyndar básekege toly bolǵanyn aıtyp, sportshylardy tamasha nátıjelerimen quttyqtady.
Qazaqstan bochcha federatsııasynyń prezıdenti chempıonat sportshylardyń rýhy joǵary ekenine nazar aýdardy. Balalar Qazaqstannyń qazirgi chempıondarymen saıysqa túsip, jeńiske degen erik-jigeri men qaısar minezin pash etti.
Senat tóraǵasy jarysqa qatysýshylardyń árqaısysy osy chempıonattyń joǵary deńgeıde ótýine úlken úles qosqanyn jáne olardyń bári qazirdiń ózinde chempıon ekenin dáleldegenin atap ótti.
Bochchadan Qazaqstan chempıonatyna elimizdiń barlyq óńirinen 47 sportshy qatysty. Belgili qoǵam qaıratkerleri, ınklıýzııa men beıimdi sportqa qoldaý kórsetip júrgen belsendi azamattar týrnır qonaǵy boldy. Chempıonat jeńimpazdary ulttyq quramaǵa qabyldanady jáne Paralımpıada, Azııa paralımpıada oıyndary, chellendj sııaqty iri halyqaralyq dodalarda Qazaqstannyń namysyn qorǵaıdy.