Elordada para bergen joba jetekshisine 53 mln teńge aıyppul salyndy

NUR-CULTAN. QazAqparat – Para bergeni úshin «Bi Global» JShS joba jetekshisi Ipbergenovke qatysty 53 mln teńge somasynda aıppul salyndy. Bul týraly Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov aıtty, dep habarlaıdy QazAqparat tilshisi.

«Nur-Sultan qalasy Esil aýdanynyń №2 aýdandyq soty úkimimen qalanyń Tótenshe jaǵdaılar departamentiniń bas mamany Dúısenov 4 jylǵa bas bostandyǵynan aıyrý, «Aıst-Servıs» JShS dırektory Satvaldınov 4 jylǵa bas bostandyǵynan aıyrý jazasyna kesildi, al «Bi Global» JShS joba jetekshisi Ipbergenovke qatysty 53 mln teńge somasynda aıppul salyndy», - dedi Danııar Bekaıdarov onlaın rejımden ótken brıfıngide.

Onyń aıtýynsha, Satvaldınovtyń qylmysqa ıtermeleýimen Dúısenov 2 mln teńge somasyndaǵy parany Ipbergenovtan aldy degen kúdikke ilindi. ıAǵnı, elordadaǵy Jeńil atletıka sport kesheni nysanynyń órt-tehnıkalyq jaǵdaıyn qaraý barysynda anyqtalǵan órt qaýipsizdigi normalarynyń buzylǵanyn jasyrý faktisi tekserildi.