Elordada ótýi josparlanǵan bokstan Azııa chempıonaty keıinge shegerildi

ASTANA. QazAqparat - Astana qalasynda ótýi josparlanǵan bokstan jastar men jasóspirimder arasyndaǵy 2023 jylǵy Azııa chempıonaty keıinge qaldyryldy, dep habarlaıdy QazAqparat tilshisi.

Bul jóninde Azııa boks konfederatsııasynyń baspasóz qyzmeti málim etti. Qurlyqtyq dodany keıingi shegerý sebebi belgisiz.

Azııa chempıonaty 14 jáne 30 shilde aralyǵynda elordada ótýi tıis bolatyn. Onda jastar arasynda 2005-2006 jylǵylar saıysqa tússe, jasóspirimder arasynda 2007-2008 jylǵylar júldeni sarapqa salady.

Eske salsaq, Halyqaralyq Oolımpıada Komıteti Halyqaralyq boks qaýymdastyǵyn (IBA) moıyndaýdan bas tartty.

Halyqaralyq Olımpıada komıteti (HOK) 22 maýsymda ótken kezekten tys sessııada Halyqaralyq boks qaýymdastyǵyn (IBA) moıyndaýdan bas tartty. Mundaı sheshim qabyldaýǵa 69 saılaýshy daýys bergen. Onyń bireýi ǵana bul sheshimge qarsy bolyp, taǵy 10 saılaýshy qalys qaldy.