Elordada ótken jyly 100-den astam avtokólik urlandy

NUR-SULTAN. QazAqparat – Ótken jyly Nur-Sultan qalasynda 113 avtokólik urlandy. Al bıyl jyl bastalǵaly 900 qylmys jasaldy, onyń 320-y urlyq. Bul týraly Nur-Sultan qalasy polıtsııa departamenti krımınaldyq polıtsııa basqarmasynyń bólim basshysy Dıas Qadirov málim etti, dep habarlaıdy QazAqparat tilshisi.

«Urlyq jasaý jalpy qylmystyń úshten birin quraıdy. Ótken jyly elordada shamamen 15 myń qylmys boldy. Onyń 5-y urlyq jasaý qylmysymen baılanysty. ıAǵnı ózgeniń múlkin qoldy etý. 2022 jyl bastalǵaly 26 kúnniń ishinde elorda aýmaǵynda 900 qylmys jasaldy. Onyń ishinde 320 urlyq jasaý. Taǵy bir aıtyp ótetin jaıt, urlyq qylmysy ishinara bólinedi. Sonyń ishinde eń jıi bolatyny páter tonaý, uıaly telefon urlaý jáne kólik urlaý men ony tonaý. Qystygúni kóbinese jeńil kóliktiń akkýmlıatory men dóńgelegin qoldy etedi. Kóp jaǵdaıda ıeleri kólikti qaraýsyz úı aýlasynda, kóshe boıynda qaldyryp ketedi. Qar basyp, júrmeı turǵan avtokólikti urlyqshy nazaryna alady», - dedi Dıas Qadirov polıtsııa departamentinde ótken baspasóz máslıhatynda.

Polıtsııa departamentiniń ókili usynǵan statıstıkaǵa súıensek, ótken jyly elordada 113 kólik urlandy.

«Urlanǵan avtokólikterdiń markasy ártúrli. Shuǵyl izdeý sharasynyń arqasynda 113 kólik urlaý isiniń 110-y izi sýymaı ashylyp, kólik ıelerine qaıtaryldy. Sondaı-aq, ótken jyly jedel profılaktıkalyq shara aıasynda Reseıden urlanǵan 12 avtokólik anyqtaldy. Olardyń arasynda 2015, 2017 jyly qoldy bolǵan kólikter de bar», - deıdi ol.