Elordada otbasy shyrqyn buzatyndarmen polıtsııa qalaı kúresedi

NUR-SULTAN. QazAqparat – Nur-Sultan qalalyq PD Esil aýdandyq polıtsııa basqarmasy bastyǵynyń mindetin atqarýshy Marat Ábirov otbasy shyrqyn buzatyndarmen kúres qalaı júrgiziletindigin aıtyp berdi, dep habarlaıdy QazAqparat tilshisi.

«Esil» aýdany boıynsha esep berý kezeńinde 102 arnasyna otbasylyq janjalǵa qatysty 2 myńǵa jýyq shaqyrtý kelip tústi. Onyń ishinde 847 fakt boıynsha otbasylyq janjalǵa qatysty qorǵaý uıǵarymy shyǵaryldy. 87 kórineý jalǵan shaqyrtý jasaǵany úshin quqyq buzýshylar QR ÁQBtK-niń 437-babymen jaýapkershilikke tartyldy. 445 tynyshtyqty buzý faktisi boıynsha is-sharalar qoldanyldy», - dedi ol búgin uıymdastyrylǵan brıfıng barysynda.

Onyń atap ótýinshe, osy y jyldyń 10 aıynyń qorytyndysynda ýchaskelik ınspektorlar tarapynan otbasylyq-turmystyq qatynastaǵy quqyqqa qaıshy áreketteri úshin 160 azamatty, adam densaýlyǵyna qasaqana jeńil túrde zııan keltirgeni úshin 111 azamatty, sondaı-aq 185 azamat jáne 210 janjalqoıdy ýaqytsha ustaý kamerasyna qamady.

«Jyl basynyn beri sottyń sheshimimen otbasylyq janjalqoılardyń áreketine qatysty 38 qatań talap engizildi. Polıtseıler turmystyq zorlyq-zombylyq faktilerin der kezinde anyqtaýǵa jáne jolyn kesýge erekshe nazar aýdarady. Esepke alynǵan jáne quqyq buzýshylyq jasaýǵa beıim adamdar qashyqtyqtan – beıne qońyraý arqyly tekseriledi. ıAǵnı, ýchaskelik ınspektordyń mundaı adamdardy jedel baqylaýǵa, úıdegi jaǵdaıdy kózben kórýge, sóılesken kezde adamnyń jaǵdaıyn baǵalaýǵa, qajetti suraqtarǵa jaýap alýǵa múmkindigi bar», - dedi Marat Ábirov.