Elordada Otan qorǵaýshy jáne Jeńis kúni merekeleri qalaı atap ótiledi
Nur-Sultan ákimdigi usynǵan málimetke sáıkes, mereke qarsańynda áskerı orkestr soǵys ardagerleri úıleriniń aýlalaryna baryp quttyqtady.
Aldaǵy kúnderi belsendi jastar men volonterler adam kóp jınalatyn oryndarda «Jeńis lentasy» men estelik belgiler taratady.
6 mamyr kúni saǵat 17:00-de Otan qorǵaýshy kúnine oraı qalalyq Amfıteatr sahnasynda E.Rahmadıev atyndaǵy Memlekettik akademııalyq fılarmonııanyń qazaq orkestri men solısteri kontserttik baǵdarlama usynady. Merekede qazaqtyń dástúrli jáne akademııalyq mýzykasy shyrqalady. Mýzykalyq quttyqtaýlardy Qazaq orkestri men solısteri − Qazaqstan Respýblıkasynyń eńbek sińirgen qaıratkerleri Svetlana Aıtbaeva, Súndet Baıǵojın, Araılym Rahymqyzy, Estaı Muqashev, halyqaralyq jáne respýblıkalyq konkýrstardyń laýreattary Berik Omarov, Áıgerim Nartúıe oryndaıdy. Keshtiń kórkin «Qurmet» ordeniniń ıegeri, Mádenıet qaıratkeri Abdýrasýl Esekeevtiń jetekshiligindegi «Shalqyma» halyq bı ansambli qyzdyrady.
7 mamyrda Demalys Promenade aýmaǵynda jalpy bilim beretin mektep oqýshylary, orta arnaıy jáne joǵary oqý oryndarynyń stýdentteri arasynda jeńil atletıkalyq estafeta ótedi. Qatysýshylar 14 kezeńnen turatyn 5 335 m qashyqtyqty júgirip ótedi.
Bul kúni dástúrli túrde elordanyń bes alańynda ártister men shyǵarmashylyq ujymdardyń qatysýymen kontsertter bolady. Іs-sharalar Stýdentter saıabaǵynda saǵat 18:00-den 20:00-ge deıin, Jazýshylar alleıasynda saǵat 18:00-den 20:00-ge deıin, Demalys Promenade aýmaǵynda saǵat 18:00-den 22:00-ge deıin, «Báıterek» monýmentiniń janynda saǵat 18:00-den 22:00-ge deıin ótedi.
Sondaı-aq saǵat 17:00-den 18:30-ǵa deıin Amfıteatrda QR QK Ulttyq áskerı-patrıottyq ortalyǵy «Qýatty armııa – qýatty Qazaqstan» kontsertin uıymdastyrady. Baǵdarlamada Ortalyq áskerı orkestr men ansambldiń qoıylymdary qoıylady.
«Jastar» saraıy áleýmettik jelilerdegi akkaýnttarynda mereke kúnderi – 8-10 mamyrda «Batyr erligi» onlaın-jobasyn ótkizedi.
Erlik sabaǵy 6 mamyr kúni №4 balalar kitaphanasynda, 11 mamyr kúni merekege oraı №4 kópshilik kitaphanada «Qarmen jýylǵan qan» atty patrıotızm sabaǵyn uıymdastyrady.
ALJIR memorıaldy-murajaı kesheni 10 mamyrda Jeńis kúnine arnalǵan «Biz Jeńistiń urpaǵymyz!» is-sharasyn ótkizedi. Astanalyq tsırk aıtýly datalarǵa oraı kórermender úshin arnaıy baǵdarlama daıyndap otyr.
Qýyrshaqtar teatry 6-9 mamyr aralyǵynda «Soldatskıı kotelok» ertegisin kórsetedi.
7 mamyr kúni M.Gorkıı atyndaǵy memlekettik akademııalyq orys drama teatrynda kúndiz S.Astrahantsevtiń «Bratets Lıs ı bratets Krolık» ertegisi, al keshke – «Chem dalshe my ýhodım ot voıny...» mýzykalyq-poetıkalyq kompozıtsııasy kórsetiledi.
Sonymen qatar «Jastar» teatrynyń repertýarynda 6 mamyrda «Qanattylar» mýzykalyq-poetıkalyq spektaklin, 7 mamyrda «Janarymdaǵy jalǵyz áýen» qoıylymyn, 8 mamyrda «Ǵashyqtar» dramasyn kórýge bolady.
Nomad City Hall sahnasynda 9 mamyrda D.Isabekovtiń «Tynyshtyq kúzetshisi» dramasy kórsetiledi.
Sonymen qatar Jeńis kúnin merekeleý kúnderi soǵys ardagerleriniń, tyl eńbekkerleriniń, qoǵamdyq jáne jastar uıymdary ókilderiniń qatysýymen soǵys jyldary qaıtys bolǵan jaýyngerlerdiń rýhyna arnap «Otan Ana» monýmentine jáne soǵys batyrlary – Talǵat Bıgeldınov, Raqymjan Qoshqarbaev, Baýyrjan Momyshuly, Mánshúk Mámetova, Álııa Moldaǵulovanyń eskertkishterine gúl shoqtaryn qoıý dástúrli sharasy ótedi.
Eske sala keteıik, Jeńis kúnine oraı Nur-Sultanda turatyn 18 maıdangerge 1 mıllıon teńgeden beriletin bolady.