Elordada oraza ustaǵandarǵa ystyq tamaq taratyldy

NUR-SULTAN. QazAqparat - Qasıetti Ramazan aıynda elordanyń din isteri jónindegi basqarmasy men dinderdi zertteý ortalyǵy «Nur-Astana» meshiti ujymymen birlesip, aýzy berik musylmandarǵa ystyq tamaq tarata bastady, dep habarlaıdy QazAqparat qala ákimdigine silteme jasap.

Ramazan aıy sáýir aıynyń 13 kúni bastalyp, 12 mamyrǵa deıin jalǵasady. Mamyr aıynyń 8-nen 9-na qaraǵan túni Qadir túni, 13 mamyr kúni Oraza aıt merekesi atap ótiledi.

Barsha musylman úshin bul aı jaqsylyq pen izgilik aıy. Islam dinin ustanýshylar qaıyrymdylyq jasap, saýap jınaýǵa tyrysady. Sol sebepti de, qaıyrymdy jandar muqtaj jandarǵa kómek qolyn sozyp, jaqsylyqtyń jarshysy atanýǵa nıetti.

Qaladaǵy epıdemıologııalyq jaǵdaıǵa baılanysty meshitterde jyldaǵydaı aýyzashar ótkizilmeıdi. Sondyqtan karantın talaptaryn saqtaı otyryp, árbir adamǵa jekelegen tamaq bokstary jetkizildi. Sonymen qatar, meshitterde taraýyq namazy men juma namazy da oqylmaıdy.

Aıtat ketershigi, Ramazan aıyna baılanysty aqparatty nemese din salasyna qatysty qandaı da bir suraq pen usynys bolsa iKomek109 nómirine habarlasýǵa bolady, qońyraý shalý tegin.