Elordada Oqjetpes kóshesi jartylaı jabyldy
11:59, 08 Qazan 2021
NUR-SULTAN. QazAqparat - Elordalyq Kólik jáne jol-kólik ınfraqurylymyn damytý basqarmasy qalalyq PD ákimshilik polıtsııa basqarmasynyń kelisimimen Oqjetpes kóshesindegi jol tósemin ortasha jóndeý jumystaryn bastady, dep habarlaıdy QazAqparat qala ákimdiginiń resmı saıtyna silteme jasap.
Oqjetpes kóshesinde jol qozǵalysy qaýipsizdigin qamtamasyz etý maqsatynda jóndeý jumystary júrgizilýde. Osyǵan baılanysty, osy jyldyń 8-9 qazan aralyǵynda K.Baıseıitova kóshesinen Kóktal kóshesine deıingi aralyq kólik qozǵalysy úshin tolyǵymen jabyldy.
«Qala joldarynda keptelis týdyrmas úshin elorda turǵyndary men qonaqtary qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystarynyń júrgizilýine túsinistikpen qaraýdy ótinemiz», - delingen kólik basqarmasynyń habarlamasynda.