Elordada Nur Otan partııasynyń «Partııa kúni» jobasy tanystyryldy
Jobanyń negizgi maqsaty - jaýapty tulǵalardy aýdannyń ózekti máselelerin sheshýge partııa músheleri retinde tartý. Alǵashqy «Partııa kúni» ashyq jáne erkin formatta ótti. Bastamany qoldaý úshin Parlament Májilisiniń depýtattary da qatysty.
Uıymdastyrýshylardyń aıtýynsha, jıynǵa budan bylaı da Májilistiń, qalalyq máslıhattyń depýtattary, ortalyq jáne jergilikti organdardyń jaýapty tulǵalary shaqyrylady. «Partııa kúniniń» alǵashqy basqosýynda turǵyndarǵa qolaıly turmys jaǵdaıyn uıymdastyrý máseleleri talqylandy.
«Búgin biz «Partııa kúni» aıasynda alǵash ret kezdesip otyrmyz. Bul ózekti máselelerdi sheshýdiń tyń tásili dep aıtýǵa bolady. Biz Nur Otan bergen artyqshylyqtardy barynsha paıdalanýymyz kerek. Máslıhattaǵy partııa depýtattarynyń, Májilis fraktsııasynyń depýtattarymen tikeleı ózara is-qımyl jasaýǵa quqyǵy bar. Sondyqtan áleýmettik-ekonomıkalyq baǵytty odan ári damytý maqsatynda biz Májilistegi Nur Otan fraktsııasymen tikeleı baılanys ornatýǵa múddelimiz. Bul bizge máselelerdi Májilis deńgeıinde kóterýge múmkindik beredi. Osylaısha Májilis depýtattary belgili bir máseleler boıynsha salalyq mınıstrlikterge qozǵaý sala alady», - deıdi Nur Otan partııasy Esil aýdandyq fılıalynyń tóraǵasy Berik Jákenov.
Onyń aıtýynsha, bıyl Esil aýdanynda 95 aýla, 19 sport alańy abattandyrylady. Sondaı-aq, aýdannyń alty ýchaskesinde saıabaqtar men skverler salý josparlanǵan.