Elordada Naýryz merekesine oraı aýqymdy aýyl sharýashylyǵy jármeńkesi ótedi

NUR-SULTAN. QazAqparat - 18-22 naýryz aralyǵynda astananyń «Arnasaı 109» mekenjaıynda ornalasqan pavılonda aýqymdy aýyl sharýashylyǵy jármeńkesi ótedi. Onda Shyǵys Qazaqstan, Aqmola jáne basqa da jaqyn mańdaǵy oblystardyń kásipkerleri men fermerleri óz ónimderin usynady, dep habarlaıdy QazAqparat elorda ákimdigine silteme jasap.

Aıta keteıik, elordada jyl boıy jumys isteıtin jármeńke qazirgi kúni de demalyssyz apta boıy jumys istep tur. Munda azyq-túlik taýarlarynyń barlyq túri, atap aıtqanda et, kókónis, jarma, azyq-túlik, sút ónimderi, kondıterlik ónimder jáne t.b. satylady. Mundaǵy baǵa naryqtan 15-20%-ǵa arzan.

Aıta ketken jón, jármeńke 2021 jyldyń jeltoqsan aıynan bastap kún saıyn saǵat 10:00-den 19:00-ge deıin jumys isteýde. Bıyl Naýryz meıramynyń qarsańynda aýyl sharýashylyǵy jármeńkesiniń aýq y my keńeıe túsetini belgili bolyp otyr.