Elordada mysyqty qorlaǵan mas jigit qamaýǵa alyndy

ASTANA. QazAqparat – Elordada lıftilerdiń birinde dáret syndyryp, mysyqty tepkilegen er adam ustaldy, dep habarlaıdy QazAqparat.

«Ótken aptanyń sońynda elordalyq turǵyn úı kesheniniń lıftisinde bir oqıǵa boldy. Jas jigit mas kúıinde mysyqty tepkilep, lıft ishinde qajetin ótegen. Polıtseıler quqyq buzýshyny anyqtady – ol Astananyń 19 jastaǵy turǵyny bolyp shyqty», - dedi QR Іshki ister mınıstrliginiń ókili Shuǵyla Turlybek aptalyq brıfıngte.

Kinálige qatysty ákimshilik kodekstiń 434 («Usaq buzaqylyq») jáne 407-1 («Janýarlarǵa qatygezdik») baptary boıynsha birden eki ákimshilik is qozǵaldy.

Kináli ýaqytsha ızolıatorǵa qamalǵan. Materıal sheshim qabyldaý úshin sotqa jiberildi.

Sondaı-aq, mundaı faktilerge jol bermeý týraly profılaktıkalyq áńgime júrgizilgen.

Eske sala keteıik, munyń aldynda Aqtaýda mysyqty ústinen myjyp, jábirlegen turǵynǵa úkim shyqqan edi.