Elordada múmkindikteri shekteýli jandardy áleýmettik ıntegratsııalaý máselesi talqylanbaq

ASTANA. Jeltoqsannyń 1-i. QazAqparat /Gúlmıra Álıakparova/ - Astanada shet elder parlamentterindegi múmkindikteri shekteýli depýtattardyń qatysýymen múgedek jandardy áleýmettik yqpaldastyrý máselesiniń otandyq jáne halyqaralyq tájirıbesi talqylanady. Bul týraly búgin ótken aptalyq brıfıngte «Nur Otan» partııasynyń resmı ókili Oksana Peters málim etti,

 dep habarlaıdy QazAqparat.

«Múmkindigi shekteýli adamdardyń áleýmettik ıntegratsııasynyń halyqaralyq tájirıbesi» taqyrybynda jeltoqsannyń 3-i kúni ótetin halyqaralyq dóńgelek ústel, osy kúni atap ótiletin - Múmkindigi shekteýli jandardyń halyqaralyq kúnine oraı, sondaı-aq «Shekteýsiz múmkindikter» respýblıkalyq aktsııasy aıasynda uıymdastyrylýda.  

«Otyrysta Múgedekter quqyǵy jónindegi konventsııada kórsetilgen erejeler boıynsha múmkindikteri shekteýli adamdardyń áleýmettik ıntegratsııasynyń halyqaralyq jáne otandyq tájirıbesi talqylanyp, bolashaq josparlar men atalmysh máseledegi birikken baǵyttar aıqyndalady dep kózdelýde», - dedi ol.

Basqosý shet elder parlamentterindegi múgedektikteri bar depýtattardyń, QR Parlamenti depýtattarynyń, mınıstrlikter men halyqaralyq uıymdar ókilderiniń qatysýymen ótedi.