Elordada muqtaj jandarǵa azyq-túlik sebeti taratylyp jatyr

<p>Jańa jyl qarsańynda qaladaǵy jyldaǵy dástúr boıynsha kómekke muqtaj azamattarǵa azyq-túlik sebetteri tapsyrylyp jatyr, dep habarlaıdy <a href="Kazinform" target="_blank" rel="noopener">Kazinform</a> elorda ákimdiginiń resmı saıtyna silteme jasap.&nbsp;</p>

Bıyl Astana qalasynyń ákimdigi men demeýshi bolǵan «Petro Retail» kompanııasy halyqtyń áleýmettik muqtaj toptaryna jáne basqa da azamattarǵa ataýly áleýmettik kómek retinde azyq-túlik jıyntyǵy qaıyrymdylyq kómek kórsetý aıasynda yntymaqtastyq jáne ózara is-qımyl týraly memorandýmǵa qol qoıǵan. Sonyń aıasynda búgin 4-shi márte qalada áleýmettik az qamtylǵan otbasylarǵa azyq-túlik sebeti taratylyp jatyr. 

«Aktsııa aıasynda elordada 4 myńǵa jýyq otbasy azyq-túlik sebetterimen qamtyldy. Búgin 1 000-ǵa jýyq sebet elordanyń 5 aýdanynda áleýmettik jaǵynan osal otbasylarǵa taratylyp jatyr. Olar – kópbalaly otbasylary, jalǵyzbasty analar, zeınetkerler, múgedektigi bar azamattar, erekshe bala tárbıelep otyrǵan otbasylar. Azyq-túlik sebetinde kúndelikti turmysqa qajetti taýarlar bar. Atap aıtsaq, kúnbaǵys maıy, qant, un, sút jáne t.b.», - dedi Astana qalasy ákiminiń keńesshisi Qýanysh Moldabek.

Qýanysh Qaıratulynyń aıtýynsha, búgin jalpy sany 45 tonnadan asatyn azyq-túlik sebetteri jetkiziledi.

«Osyndaı qaıyrymdylyq is-sharasyna atsalysqany úshin «Petro Retail» kompanııasyna alǵysymyzdy bildiremiz. Sondaı-aq ózge de bıznes ókilderin, metsenattardy ıgi iske qatysýǵa shaqyramyz. Qalalyq ákimdik mundaı aktsııalardy jyl saıyn uıymdastyrady», - dep sózin túıindedi Qýanysh Qaıratuly.

Aıta keteıik, elordada «10 ıgi is» aktsııasy aıasynda birqatar is-shara ótip jatyr. Qaıyrymdylyq is-sharasy barysynda volonterler osyndaı birneshe mekenjaıǵa baryp, qar tazalady. Uıymdastyrýshylardyń aıtýynsha, dástúrli aktsııa áli de jalǵasyn tabady. 

Sonymen qatar osyǵan deıin aýa raıy qolaısyz kúnderi volonterler elorda kóshelerinde kommýnaldyq qyzmetkerler men qala turǵyndaryna ystyq shaı men baýyrsaq úlestirgen bolatyn.