Elordada mereke kúnderi aýqymdy aýylsharýashylyq jármeńkesi ótedi

NUR-SULTAN. QazAqparat - 16-19 jeltoqsan aralyǵynda Nur-Sultan qalasynda elorda ákimdigi aýyl sharýashylyǵy jármeńkesin uıymdastyrady. Bul týraly qala ákimdiginiń resmı saıty habarlady.

Kelýshiler tańǵy 8-den keshki beske deıin qajetti ónimderdi ala alady. Óz ónimderin Aqmola, Pavlodar, Qaraǵandy, Shyǵys Qazaqstan oblystarynyń taýar óndirýshileri, sondaı-aq astanalyq aýyl sharýashylyǵyn ónimin óndirýshiler usynady.

Jármeńkede azyq-túlik ónimderiniń barlyq túrleri satylady: sút, bakaleıa, shujyq, un, balyq jáne t. b.

Kelýshiler sıyr etin shamamen 2000 tg/kg, jylqy etin - 2200 tg/kg, qazy, jaıa - 2500 tg/kg satyp ala alady.

Aıta ketý kerek, jármeńke sanıtarlyq normalardy saqtaı otyryp ótkiziledi. Kelýshiler men qatysýshylar betperde kııýi kerek, qol gıgıenasy men áleýmettik qashyqtyqty saqtaýy kerek.

Budan ári jármeńke apta saıyn ár senbi jáne jeksenbi kúnderi myna meken-jaıda ótedi: Prıgorodnyı turǵyn alaby, Arnasaı kóshesi, 109 ǵımarat.