Elordada mereke kúnderi tolassyz qar jaýady: 1200 tehnıka qar kúrep júr

<p>Astanada jaýyn-shashyn tolassyz jaýyp jatyr. Kommýnaldyq qyzmet kúsheıtilgen rejımde táýlik boıy jumys isteýde, dep habarlaıdy <a href="https://kaz.inform.kz/" target="_blank" rel="noopener">Kazinform</a> Astana ákimdiginiń resmı saıtyna silteme jasap.&nbsp;</p>

29 jeltoqsan tańerteńnen beri qar kúreý jumysyna 2 344 jol jumysshysy men 1 200-den astam arnaıy tehnıka jumyldyryldy.

28 jeltoqsannan 29 jeltoqsanǵa qaraǵan túni elordadan 17 myń tekshe metrge jýyq qar shyǵaryldy, bul — 1 478 júk kóligine artylatyn júk kólemine teń.

Qys maýsymy bastalǵaly qar polıgonyna 53 083 reıspen 722 myńǵa jýyq tekshe metr qar shyǵaryldy.

Sonymen qatar qozǵalys qaýipsizdigi men qala kósheleri jáne trotýarlardy muz qatýynyń aldyn alý úshin qum-tuz qospasy sebildi.

Atap óterligi, aldaǵy kúnderi elordada qar jaýady dep boljanyp otyr.

Qazgıdromet sınoptıkteriniń boljamynsha, 29 jeltoqsanda jańbyr men qar jaýyp, boran soǵady jáne kóktaıǵaq bolady.

Aýa temperatýrasy kúndiz de, túnde de nól gradýs shamasynda bolady.

30 jeltoqsan kúni Astanada qar jaýyp, boran soǵady.

Ońtústik-batystan 9-14 m/s jyldamdyqpen jel soǵady, keıde ekpini 15-20 m/s jáne 25 m/s jetedi.

Túnde aýa temperatýrasy 8-10 gradýs, kúndiz 3-5 gradýs aıaz bolady.

31 jeltoqsanda qar jaýady, boran soǵyp, kóktaıǵaq bolady dep boljanyp otyr.

Ońtústik-batystan 9-14 m/s jyldamdyqpen jel soǵady, keıde ekpini 15-20 m/s jetedi.

Aýa temperatýrasy túnde jáne kúndiz 1-3 gradýs aıaz bolady.