Elordada memlekettik rámizderdiń talapqa sáıkestigi tekserilýde

ASTANA. QazAqparat - QR Mádenıet jáne sport mınıstrligi Tehnıkalyq retteý jáne metrologııa komıtetiniń Astana qalasy boıynsha departamenti jáne ınspektsııalyq top múshelerimen birlese otyryp, memlekettik rámizderdi paıdalaný jáne nasıhattaý salasyna monıtorıng júrgize bastady, dep habarlaıdy QazAqparat komıtettiń saıtyna silteme jasap. 

«Jumysshy komıssııa memlekettik organdar, onyń ishinde aýdandyq ákimshilik, sot, prokýratýra, mektepke deıingi jáne bilim berý mekemelerin qamtıdy. Monıtorıng júrgizý barysynda komıssııa músheleri ulttyq standarttar men QR Memlekettik rámizderin ornalastyrý jónindegi erejelerdiń talaptary túsindirildi. Atalmysh shara standarttarǵa sáıkes kelmeıtin memlekettik rámizderdi qoldanýǵa jol bermeý maqsatynda júrgizilýde», - delingen habarlamada.

Sonymen qatar, memlekettik eltańba jáne eltańbalyq mór beınelengen memlekettik blankilerin qoldaný boıynsha talaptar túsindirildi.

Komıssııa músheleri ereje talaptaryna sáıkes kelmeıtin memlekettik rámizder qoldanyp kelgen birqatar memlekettik organdardy anyqtaǵan.  Komıtettiń málimetinshe, monıtorıng nátıjesinde Qazaqstan Respýblıkasynyń memlekettik rámizderin qoldaný boıynsha birqatar usynystar berilgen. Búgingi tańda komıssııa bul baǵyttaǵy jumysyn jalǵastyrýda.