Elordada memlekettik qyzmetshilerdiń koronavırýs juqtyrýy jıilegen

NUR-SULTAN. QazAqparat – QR Densaýlyq saqtaý mınıstri Ajar Ǵınııat ortalyq kommýnıkatsııalar qyzmetinde ótken brıfıngte memlekettik qyzmetshiler men depýtattardyń koronavırýspen syrqattaný kórsetkishi týraly málimet berdi, dep habarlaıdy QazAqparat tilshisi.

«Qazirgi tańda Úkimet músheleri men memlekettik qyzmetshiler, depýtattar koronavırýspen qanshalyqty jıi syrqattanyp jatyr?» - dep surady BAQ ókili mınıstrden.

Ajar Ǵınııattyń málimetine qaraǵanda, keıingi kezde memlekettik qyzmetshiler arasynda koronavıýrs juqtyrǵandardyń sany eselep artqan.

«Biz Prezıdent is basqarmasynyń medıtsınalyq qyzmetinen statıstıka alyp otyramyz. Memlekettik qyzmetshilerdiń densaýlyǵyn sol qyzmet qadaǵalaıdy. Memlekettik qyzmetshiler arasynda ósim bar ekenin kórip otyrmyz. Nur-Sultannyń «sary» aımaqqa kirgenin bilesizder. Buǵan deıin 10-ǵa jetpeıtin saýsaqpen sanarlyq jaıttar tirkelip kelgen. Qazir memlekettik qyzmetshiler arasynda táýlik saıyn naýqastanýdyń 100 jaǵdaıy tirkeledi», - dedi mınıstr.

Atalǵan brıfıngte koronavırýsqa qarsy shekteý sharalary qandaı jaǵdaıda qatańdatylatyny aıtyldy.