Elordada memlekettik qyzmetkerlerge aǵylshyn tili oqytylady

NUR-SULTAN. QazAqparat - Elordada memlekettik qyzmetkerlerge aǵylshyn tili oqytylady, dep habarlaıdy QazAqparat qala ákimdigine silteme jasap.

Memleket basshysynyń elorda turǵyndary men qonaqtaryna tildik orta qalyptastyrý boıynsha is-sharalar qabyldaý týraly tapsyrmasyna sáıkes ótken jyly QR Tsıfrlyq damý, ınnovatsııalar jáne aeroǵarysh ónerkásibi mınıstrligi jáne «Astana» halyqaralyq qarjy ortalyǵy arasynda yntymaqtastyq týraly memorandým jasaldy. Ol boıynsha birqatar is-sharalardy ótkizý josparlanǵan.

Sonyń biri – aqpan aıynan bastap sheteldik ınvestorlar men isker týrıster úshin barlyq memlekettik jáne qalalyq qyzmet kórsetetin memlekettik organdardyń, kvazımemlekettik qurylymdardyń qyzmetkerlerine aǵylshyn tilin oqytý. Osy maqsatta Tilderdi damytý jáne arhıv isi basqarmasy «Rýhanııat» KMM-nyń uıymdastyrýymen naýryz aıynan bastap HQKO, densaýlyq saqtaý mekemeleriniń, aýdan ákimdikterindegi «Front-ofısterdiń», «IQala» ortalyǵynyń qyzmetkerlerine (barlyǵy 118 tyńdaýshyǵa) aǵylshyn tili kýrstary bastaldy. Kýrs shilde aıyna deıin aptasyna úsh ret oqytylady. Kýrs sońynda qorytyndy test alynyp, sertıfıkat beriledi.