Elordada memlekettik kontserttik uıymdardyń respýblıkalyq ortalyǵy ashyldy
Al jumysy ónimdi bolýy úshin memlekettik kontserttik uıymdardyń saıty ashyldy.
Bul týraly ortalyqtyń ashylý rásiminde aıtyldy, dep habarlaıdy QazAqparat tilshisi.
Atalmysh sharaǵa QR Mádenıet jáne sport mınıstri Aqtoty Raıymqulova jáne respýblıkalyq, oblystyq mádenıet uıymdarynyń ókilderi qatysty.
«Búgingi shara aıasynda usynystaryńyzdy, bolashaqta birigip jumys isteýge qatysty ıdeıalaryńyzdy aıta alasyzdar. QR Mádenıet jáne sport mınıstrligi bul ortalyqty óner ujymdarynyń respýblıkalyq jáne halyqaralyq gastrolderin joǵary dárejede júzege asyrý, sapaly kontserttik is-sharalardyń elimizdiń barlyq óńirlerine, onyń ishinde shalǵaı jatqan aýdandar jáne aýyldyq mekenderge qoljetimdi etý maqsatynda quryp otyr», - deıdi Aqtoty Raıymqulova.
«Qazaqkontsert» MKZ dırektory Jeńis Seıdollaulynyń aıtýynsha, kontserttik uıymdardyń jumysy ónimdi bolýy úshin arnaıy saıt ashylǵan.
«Ol saıttan ár kontserttik uıym ózi týraly málimetterdi, sondaı-aq gastroldik saparlar men kontserttik baǵdarlamalardyń kestesin jarııalaıdy», - dedi ol.