Elordada medıtsınanyń sapasy men kólemine qatysty 18 myńǵa jýyq kemshilik bar
Áleýmettik medıtsınalyq saqtandyrý qory Nur-Sultan qalasy boıynsha fılıalanyń sarapshylary tegin medıtsınalyq kómektiń kepildik berilgen kólemi (TMKKK) sheńberinde jáne MÁMS paketi boıynsha jetkizýshiler kórsetken qyzmetterdiń sapasy men kólemine monıtorıng júrgizýdi jalǵastyrýda.
Osy jyldyń 7 aıynda turǵyndarǵa medıtsınalyq kómek kórsetý kezinde 17 887 kemshilik anyqtalyp, medıtsınalyq uıymdarǵa 123 mln teńgeden astam aıyppul salyndy.
«Turǵyndarǵa TMKKK jáne MÁMS paketteri boıynsha usynylǵan qyzmetterdiń sapasy men kólemine monıtorıng júrgizilgennen keıin ǵana, Qor jetkizýshilerine kórsetken medıtsınalyq qyzmetteri úshin aqy tólenetinin atap ótken jón. Medıtsınalyq kómek kórsetý standarttary men erejelerin, sondaı-aq klınıkalyq hattamalardyń usynymdaryn saqtaı otyryp, is júzinde kórsetilgen jáne qujatpen rastalǵan qyzmetterge aqy tólenedi.
Anyqtalǵan kemshilikterdiń kópshiligi jan basyna shaqqandaǵy normatıvke kirmeıtin, árbir qyzmetke jeke tólenetin konsýltatsııalyq-dıagnostıkalyq qyzmetterge baılanysty. Medıtsınalyq qyzmetterdiń sapasyn monıtorıngteý bóliminiń sarapshylary jalpy quny 12 mln teńgeden asatyn osyndaı 9 682 kemshilik anyqtady.
Sondaı-aq, ambýlatorııalyq-emhanalyq kómek kórsetý kezinde jiberilgen 1 147 kemshilik, táýlik boıy jumys isteıtin statsıonarlarda medıtsınalyq kómek kórsetý kezinde jiberilgen 6 208 fakt tirkeldi.
Bıylǵy 7 aıda qordyń elordalyq fılıalynyń sarapshylary naqty kórsetilmegen (keshendi jan basyna shaqqandaǵy normatıvten tys konsýltatsııalyq-dıagnostıkalyq qyzmetter) qyzmetterdiń 850 deregin anyqtady, olardy aqparattyq júıelerge patsıentter alǵan dep engizgen. Osyndaı jaǵdaılar boıynsha anyqtalǵan burmalaýshylyqtar úshin medıtsınalyq uıymdarǵa 1,7 mln teńge somasynda aıyppul salyndy», - dep atap ótti «Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıaly dırektorynyń orynbasary Aınagúl Dáýletshına.
«Túrli memlekettik derekqorlardaǵy derekterdi biriktirý jáne IT quraldaryn qoldaný osy derekterdi óńdeý monıtorınginiń sapasyn aıtarlyqtaı arttyrady. Bul adamı faktordy azaıtýǵa múmkindik beredi. Qazir Qor ártúrli aqparat júıeleri men regıstrlerdiń derekterin bir alańda ıntegratsııalaý arqyly aqparat júıelerinde medıtsınalyq qyzmetterdiń sapasy men kólemin tolassyz monıtorıngteý boıynsha jumys júrgizýde. Bul monıtorıng protsesin barynsha avtomattandyrýǵa múmkindik beredi», - dep túsindirdi ÁMSQ Nur-Sultan qalasy boıynsha fılıalynyń medıtsınalyq kómek kórsetý sapasyn monıtorıngteý bóliminiń jetekshisi Sandýǵash Bolysbekova.
Turǵyndar tarapynan qoǵamdyq baqylaý, bir jaǵynan Áleýmettik medıtsınalyq saqtandyrý qoryna burmalaýshylyqtardy anyqtaýǵa kómektesedi, ekinshi jaǵynan medıtsınalyq uıymdardy tártipke keltiredi.
Sondyqtan azamattardy mobıldi qosymshalarda óz derekterin tekserýge jáne sáıkessizdikter anyqtalǵan jaǵdaıda qordyń elordalyq fılıalyna habarlaýǵa shaqyramyz.
Sondaı-aq, 1406 telefonyna nemese Qoldau 24/7 mobıldi qosymshasy arqyly habarlasýǵa bolady.