Elordada medıtsınalyq ýnıversıtetke oqýǵa túsiremin dep para alǵan kúdikti ustaldy

NUR-SULTAN. QazAqparat – Astana polıtseıleri azamattardy ýnıversıtetke grantqa oqýǵa túsiremin dep aldaǵan alaıaqty qolǵa túsirdi, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.

Polıtsııaǵa elorda turǵyny aryzdanǵan. Áıeldiń aıtýynsha, onyń tanysy Nur-Sultan qalasyndaǵy medıtsınalyq ýnıversıtetke oqý grantyn alyp beremin dep ýáde berip, 2,5 mln teńge syıaqy suraǵan.

Aqshany qolyna alǵan soń baılanysty sıretip, keıin múldem habarsyz ketken.

Keıinirek, ýáde etilgen grant alaıaqtyń arbaýy ekenin túsingen áıel polıtsııaǵa júgindi.

Polıtsııa qyzmetkerleri jedel-izdeý sharalary kezinde kúdiktini qolǵa túsirdi. Ol 33 jastaǵy qala turǵyny bolyp shyqty. Er adam kinásin tolyǵymen moıyndap, aqshany qajetine jumsap úlgergenin aıtqan.

Osy fakt boıynsha QR QK 190-baby («alaıaqtyq») boıynsha sotqa deıingi tergeý júrip jatyr. Onyń osy sekildi ózge de qylmystarǵa qatysy bar-joǵy tekserilip jatyr.