Elordada Máskeýdegi Jeńistiń 65 jyldyq mereıtoıyna oraı ótken sherýge qatysyp qaıtqan jaýyngerlermen kezdesý ótti
QR Qorǵanys mınıstrligi Qurmetti qaraýyl rotasy komandıriniń tárbıe jáne áleýmettik-quqyqtyq jumystar jónindegi orynbasary Sultan Úmbetálıevtiń aıtýynsha, sáýirdiń 30-ynan bastalǵan áskerı sherýge daıyndyq sharalaryna Qazaqstannan 75 adam qatysqan, onyń 5-eýi ofıtser, al qalǵan 70-i qatardaǵy jaýyngerler.
«Alǵashqy daıyndyq kúndiz Alabına eldi mekeninde ótip, ekinshisi mamyrdyń 4-inde túnde Qyzyl alańda boldy. Al sońǵy negizgi daıyndyq Qyzyl alańda kúndiz ótti», deıdi ol.
Sherýge shyqqan qazaqstandyq jaýyngerlerdi 85395 áskerı bóliminiń komandıri polkovnık Qaıdar Qaraqulov bastasa, Qazaqstan týyn kishi serjant Madııar Álkenov alyp júrip, onyń sońynan assıstent retinde kishi serjanttar Temirlan Ádepbaev pen Asat Raqymjanov erdi.
Máskeýdegi áskerı sherýge qatysýshylardyń barlyǵy da Reseı Federatsııasy Qorǵanys mınıstrliginiń atynan «Sherýge qatysqany úshin» medalimen, Jeńistiń 65 jyldyq mereıtoıyna arnalǵan mereıtoılyq belgimen marapattaldy. Máskeýde bolǵan ýaqytta qazaqstandyq jaýyngerler Kremldi, 300-den astam eksponant qoıylǵan saýytty tank tehnıkalar, sonymen qatar qarý-jaraqtar jáne áskerı tehnıkalar murajaılaryn tamashalap, Máskeý tsırkinde boldy.