Elordada masa men shybyn-shirkeıge qarsy kúres bastaldy

<p>ASTANA. KAZINFORM - Astana qalasynyń qorshaǵan ortany qorǵaý jáne tabıǵatty paıdalaný basqarmasy sý aıdyny men sýly-batpaqty jerlerde masa dernásili bar-joǵyn tekserýdi bastady. Bul sharalar ǵylymı súıemeldeý kómegimen ótkiziledi, dep habarlaıdy elorda ákimdigi.</p>

Ǵylymı súıemeldeýdiń maqsaty — masanyń dernásiliniń damýynyń barlyq kezeńderin anyqtaı otyryp, barlyq ýaqytsha jáne turaqty sý aıdyndaryn zertteý, ósirý kózderi men olardyń baspana oryndaryn belsendi izdeý, sondaı-aq sý aıdyndarynan eresek formaǵa jappaı ushyp ketýdi boldyrmaý úshin dezınsektsııalyq óńdeýlerdi júrgizý ýaqytyn anyqtaý.

Bul óz kezeginde olardyń damýynyń erte satysynda kúresýge múmkindik beredi.

Sonymen qatar, masalardyń ushý formasymen kúresý úshin saıabaqtarda, skverlerde, turǵyn alaptarynda shybyn-shirkeıge qarsy is-sharalar júzege asady.

Maýsym boıy is-sharalar túngi saǵat 21.00-den 04.00-ge deıin júrgiziledi.

Foto: Astana ákimdigi

Naýqan kezinde elorda turǵyndary men qonaqtaryna saqtyq sharalaryn saqtaý mańyzdy:

• óńdeletin jerge barýdy shekteý;
• óńdeý kezinde terezelerdi jabyńyz.

Bul dezınsektsııalyq sharalar tolyq joıylýǵa emes, titirkendirgish jándikterdiń sanyn azaıtýǵa baǵyttalǵan, óıtkeni olar tabıǵı ekojúıeniń ajyramas bóligi sanalady.

Qala aýmaǵynda dezınsektsııalyq jumystardy júrgizý úshin mehanıkalyq rotorly búrikkishter, dezınsektsııalyq mashınalar, qolda bar qamys ósimdikteri bar qol jetpeıtin jerlerdi óńdeýge arnalǵan kvadrokopterler, al úlken sý aıdyndarynda arnaıy jabdyqtalǵan qaıyq paıdalanylady.

Óńdeý úshin bekitilgen ádistemelik nusqaýlarǵa sáıkes QR jáne EAEO elderiniń aýmaǵynda qoldanýǵa ruqsat etilgen dezınsektsııalyq preparattar qoldanylady.

Sondaı-aq osy jyly sý aıdyndaryndaǵy dernásildik kezeńge qarsy dezınsektsııalyq sharalar úshin faýna men flora úshin zııansyz bıologııalyq tekti preparattar paıdalanylatynyn atap ótken jón.

Tehnıkalyq jabdyqtardan basqa, aýqymdy dezınsektsııalyq is-sharalar úshin dezınsektsııalyq jumystardy qaýipsiz júzege asyrý máseleleri boıynsha nusqama júrgize otyryp, dezınsektsııa boıynsha kásibı qyzmetke oqytylǵan 150-den astam dezınfektsııalaýshy tartyldy.

Aýqymdy óńdeý barysynda basqarýshy kompanııalar, PIK, MIB (turǵyn úı qorynyń nysandaryna qyzmet kórsetetin), bilim berý, densaýlyq saqtaý, mádenıet, sport, qurylys nysandary, bazarlar, saýda úıleri jáne basqalar jertóle úı-jaılaryn abattandyrý jáne qurǵatý jáne olardy dezınsektsııalyq óńdeý jolymen is-sharalarǵa qosylýy qajet.