Elordada MÁMS jumysyn qadaǵalaıtyn keńes qurylady

NUR-SULTAN. QazAqparat – Elordada Mindetti áleýmettik medıtsınalyq saqtandyrý júıesi jumysyn qadaǵalaý maqsatynda arnaıy keńes qurylady. Bul týraly Nur-Sultan qalalyq Qoǵamdyq densaýlyq saqtaý basqarmasynyń basshysy Sáýle Qısyqova málim etti, dep habarlaıdy QazAqparat tilshisi.

«MÁMS-ti halyq arasynda túsindirý jumystary búgingi kúnge deıin óz jalǵasyn tabýda. Jyl basynan beri 11 myńnan astam kezdesý uıymdastyrylyp, onyń aıasynda 700 myńnan artyq eresek azamat qamtyldy. Bul – elorda jurtynyń 98,5 paıyzyn quraıdy. Odan bólek, áleýmettik jelilerde MÁMS týraly 15 myńnan astam materıal jarııalanyp, 1 mln astam túsindirme paraǵy turǵyndarǵa taratyldy. Sonymen qatar, aldaǵy 19 jeltoqsan kúni «IKOMEK» ortalyǵy arqyly halyqqa túsindirý jumystaryn uıymdastyratyn bolamyz. Jáne «Januıa» otbasyn qoldaý ortylyǵynda da aqparattyq túsindirý jumystaryn qolǵa alatyn bolamyz. Taǵy bir aıtyp ótetin jaıt, atalǵan jumystarǵa monıtorıng júrgizý maqsatynda bizdiń basqarmada MÁMS boıynsha keńes qurýdy josparlap otyrmyz. Qazir arnaıy buıryq shyǵarý jumystary júrgizilýde. Onyń maqsaty – MÁMS boıynsha atqarylyp jatqan jumys barysyna monıtorıng júrgizý», - dedi S. Qısyqova MÁMS júıesin engizýge arnalǵan ákimdiktegi otyrysta.