Elordada MÁMS aıasyndaǵy medıtsına qyzmetterinen 9 myń kemshilik tabyldy
«Qor halyqqa kórsetilgen medıtsınalyq qyzmetterdiń sapasy men kólemine monıtorıng júrgizýdi jalǵastyrady. Bıyl eloradada 3 aıdyń monıtorıng qorytyndysy boıynsha 9 390 kemshilik anyqtalyp, 415 mln 837 myń teńge alyndy. Onyń ishinde, tegin medıtsınalyq kepildendirilgen kómek boıynsha 300 mln 13 myń teńgege 2 004 kemshilik anyqtaldy. Sol sekildi medıtsınalyq qyzmetterdiń sapasyn basqarý júıesi boıynsha 1 284 kemshilik tabyldy, onyń somasy 148 mln 858 myń teńge», - dedi mindetti áleýmettik medıtsınalyq saqtandyrý qorynyń Nur-Sultan qalasy boıynsha fılıalynyń dırektory Nurlybek Qabdyqaparov ZOOM platformasy arqyly ótken baspasóz máslıhatynda.
Fılıal basshysynyń málimdeýinshe, 1 mamyrdaǵy jaǵdaı boıynsha azamattardan 2687 habar túsken. Onyń ishinde 173 alǵys jáne 1363 shaǵym bar.
«Medıtsınalyq qyzmetterdi satyp alý shartyn oryndaýda 12 burmalaýshylyq faktisi anyqtalyp, 8 mln 899 myń teńgege aıyppul salyndy. Sondaı-aq, bizdiń fılıaldyń medıtsınalyq qyzmet sapasy men kólemin monıtorıngileý bólimi jospardan tys tekseris nátıjesi boıynsha 48 qorytyndy shyǵardy. Onyń 17-si boıynsha azamattardyń shaǵymy rastalyp, dáleldendi. Jospardan tys tekseris nátıjesinde keri qaıtarylǵan qarjy kólemi 2 mln 701 myń teńgeni qurady», - deıdi ol.