Elordada MÁMS aıasynda kim tisin tegin emdete alady
2023 jyldyń 1 qańtarynan bastap Áleýmettik medıtsınalyq saqtandyrý qory stomatologııalyq qyzmet kórsetý úshin stomatologııalyq klınıkalarmen tikeleı kelisimshart jasaıdy.
ıAǵnı, burynǵydaı tirkelgen emhanaǵa barýdyń qajeti joq.
Patsıent qormen kelisimshartqa otyrǵan kez kelgen stomatologııalyq klınıkany tańdap, qarala alady.
«Stomatologııalyq kómek kórsetý protsesinde esh ózgeris joq, patsıentter burynǵydaı medıtsınalyq kómek alady. Tek kelisimshartqa otyrý ádisi ıaǵnı shart jasasý jaǵy ózgerdi. Buǵan deıin stomatologııalyq klınıkalar ózara shartqa otyrý arqyly qosalqy merdiger retinde medıtsınalyq qyzmet kórsetse, 1 qańtardan bastap Qor kórsetilgen qyzmetter kólemin baqylap, sapasyna monıtorıng jasaý úshin tikeleı osy klınıkalarmen shartqa otyrdy. Demek endi stomatologııalyq klınıkalar ózderiniń qansha qyzmet kórsetkenin jáne Qormen kelisimshart boıynsha qansha qyzmet kórsetetinin óz betinshe qadaǵalap otyrýy kerek» - deıdi «Áleýmettik medıtsınalyq saqtandyrý qory» KEAQ Astana qalasy boıynsha fılıalynyń dırektory Nurlybek Qabdyqaparov.
Stomatologııalyq kómekti kimder ala alady?
MÁMS júıesindegi nemese TMKKK sheńberindegi stomatologııalyq qyzmetter barlyǵyna emes, halyqtyń jekelegen áleýmettik osal sanattaryna ǵana qoljetimdi.
Josparlanǵan stomatologııalyq kómekti tek 18 jasqa deıingi balalar men júkti áıelder ǵana ala alady.
Al jedel stomatologııalyq kómekti:
- 18 jasqa deıingi balalar;
- júkti áıelder;
- Uly Otan soǵysynyń ardagerleri;
- Múgedek jandar;
- «Altyn alqa», «Kúmis alqa» alqamen marapattalǵan kóp balaly analar;
- jasy boıynsha zeınetkerler;
- ataýly áleýmettik kómek alýshylar;
- juqpaly, áleýmettik mańyzy bar aýrýlarmen jáne aınalasyndaǵylarǵa qaýip tóndiretin aýrýlarmen aýyratyn naýqastar;
- múgedek balaǵa kútim jasaý úshin jumys istemeıtin adamdar;
- І toptaǵy múgedekke kútim jasaıtyn jumys istemeıtin adamdar ala alady.
MÁMS esebinen qandaı stomatologııalyq qyzmetter kórsetiledi?
Josparlanǵan stomatologııalyq kómek. Oǵan kiretin stomatologııalyq qyzmetter:
- jansyzdandyrý
- rentgenografııa
- tis jegisi jáne onyń asqynǵan túrlerin emdeý, kompozıtti materıaldardan plomba qoıý
- hırýrgııalyq emdeý: tis julý, abstsess ashý, perıostotomııa, t.b.
«Sondaı-aq, osy pakette tis jegi men onyń asqynýynyń aldyn alý boıynsha profılaktıkalyq is-sharalar da kórsetiledi. Tis jegisiniń aldyn-alý degenimiz óte mańyzdy. Gıgıena jaıynda umytpaǵan durys, balanyń 2 jasynan bastap tisti kúnine 2 ret tazalaý kerek ekenin ata-analar kórsetip, úıretýge tıis. Ekinshi bir mańyzdy em - remterapııa dep atalady. Bul protsedýrany balalar aýyrsynbaıdy, tistiń emalyn mıneraldarmen qorektendirý úshin barlyq tisterine lak jaǵyp beredi» - dep túsindirip ótti «Stomatologııa» oqý-klınıka ortalyǵynyń bas dárigeri Janar Qazbekqyzy Ábýova.
Shuǵyl stomatologııalyq kómektis shydatpaı aýyrǵanda,tisti julý, abstsesti ashý, t.b. sekildi hırýrgııalyq emdi qajet etetin kezde kórsetiledi.
«Sondaı-aq, ortodontııalyq qyzmet te bar. Jaq-bet aımaǵynyń týa bitken patologııasy bar balalarǵa ambýlatorııalyq deńgeıde MÁMS boıynsha ortodontııalyq kómek kórsetiledi. Úlgi alyp, ortodontııalyq plastına jasap, ornatylady. Bul kómekti týa bitken patologııasy bar balalar da, 6-12 jas aralyǵyndaǵy aqaýy bar az qamtylǵan otbasylardan shyqqan balalar da, ıaǵnı AÁK alýshylar ala alady», - dep tolyqtyrdy «Stomatologııa» oqý-klınıka ortalyǵynyń bas dárigeri Janar Qazbekqyzy Ábýova.
Qazir stomatologııaǵa emhanadan joldama kerek emes. Eń bastysy, patsıent MÁMS nemese TMKKK aıasynda stomatologııalyq kómek kórsetiletin sanattardyń birine jatýy jáne medıtsınalyq kórsetkishteri bolýy tıis.
Eger medıtsınalyq qyzmet MÁMS júıesinde kórsetiletin qyzmetter tizimine kirse, mysaly, josparly medıtsınalyq kómek alý úshin, saqtandyrý mártebesi mindetti túrde kerek.
Eger qyzmet TMKKK tiziminde bolsa, mysaly, qatty aýyrsyný bolsa, onda mártebe qajet emes jáne medıtsınalyq qyzmet tegin kórsetiledi. Patsıentter barlyq medıtsınalyq qyzmet túrlerin tek medıtsınalyq kórsetkishter boıynsha ǵana ala alady.
Esterińizge salamyz, stomatologııalyq klınıkany ózi tańdaýǵa bolady. Tek aldymen, ol klınıka Áleýmettik medıtsınalyq saqtandyrý qorynyń jetkizýshisi me, sony tizimnen anyqtap alǵan jón.
Jetkizýshilerdiń tizimin fms.kz resmı saıtynan qarap alýǵa bolady nemese klınıkanyń ózinen suraý kerek.
Eger patsıentterdiń statsıonarlyq jaǵdaıda stomatologııalyq kómek alýǵa kórsetkishteri bolsa, onda stomqyzmet aýrýlardy dıagnostıkalaý jáne emdeý hattamalaryna jáne Qazaqstan Respýblıkasynda stomatologııalyq kómek kórsetýdi uıymdastyrý standartyna sáıkes kórsetiledi.
Eger patsıentke MÁMS esebinen stomatologııalyq qyzmet kórsetýden bas tartsa nemese tolyq kólemde medıtsınalyq kómek kórsetilmese, bul jaǵdaıda osy klınıkanyń patsıentterdi qoldaý qyzmetine habarlasý kerek nemese medıtsınalyq saqtandyrý qoryna:
Qoldau 24/7 mobıldi qosymshasy
@saqtandyrybot telegramboty
1406 baı̆lanys ortalyǵy
Qordyń fms.kz saı̆ty
arqyly habarlasý kerek.
Áleýmettik medıtsınalyq saqtandyrý qory ótinishińizdi qarap, tıisti sharalar qabyldaıdy.