Elordada «Mama» atty fotokórme ashyldy
Іs-shara otbasy ınstıtýtyn nasıhattaý, kópbalaly analarǵa kórsetý maqsatynda uıymdastyrylyp otyr. Sharaǵa kópbalaly analar, etnomádenı birlestikterdiń ókilderi men belsendi qoǵam qaıratkerleri, sondaı-aq Nur-Sultan qalasy QHA Analar keńesiniń músheleri qatysty.
«Otbasy kúnine oraı qoǵamda belsendi jumys atqaryp, eńbekte tabysty bolǵan, isker áıelderdiń fotokórmesin uıymdastyryp otyrmyz. Barlyǵy 24 áıel men olardyń otbasylarynyń fotolary bar. Assambleıa janynda birneshe qoǵamdyq quram qyzmet atqarady. Solardyń biri ári biregeıi elordalyq QHA-nyń Analar keńesi. Keńes músheleriniń fotosýretteri de osy kórmege qoıylǵan», - dedi Nur-Sultan qalasy ishki saıasat basqarmasynyń bólim basshysy Lázzat Qusaıynova.
Bıyl Qazaqstan halqy Assambleıasynyń 25 jyldyǵy. Merekelik arnaıy shyǵarylǵan tósbelgilerdi Analar keńesiniń belsendi múshelerine kórme aıasynda Lázzat Qusaıynova tabystady. Olardyń qatarynda Natalıa Rýdoı, Sarsengýl Zııavdınova, Kameta Ibraeva, Hanıfa Matsıeva, Shapaat Nýrahýnova bar.
«Analar keńesi alǵa qoıǵan barlyq mindetterdi iske asyryp keledi. Elimizde oryn alǵan tótenshe jaǵdaılarǵa qaramastan, qoǵam belsendileri sanalatyn názik jandylar qaıyrymdylyq is-sharalarymen qatar, psıhologııalyq qoldaý kórsetý fýnktsııasyn atqardy. Búgingi fotokórme, búgingi áıelder - ana óz januıasyn qorǵaýshy ekeniniń dáleli», - dedi Nur-Sultan qalasy QHA Analar keńesiniń tóraǵasy Altynaı Táńirbergenova.