Elordada KVI juqtyrǵandar sany azaıyp keledi

NUR-SULTAN. QazAqparat – Nur-Sultan qalasynyń bas memlekettik sanıtar dárigeri Sarhat Beısenova elordadaǵy epıdemıologııalyq jaǵdaıdy baıandady, dep habarlaıdy QazAqparat.

«Elordada júrgizip jatqan is-sharalar arqasynda syrtqattanýshylyqtyń tómendeý qarqyny artyp, kún saıyn KVI juqtyrǵandar sany birtindep tómendep keledi. Orta eseppen aptasyna 70,2-den 69,2-ge deıin tómendeý baıqalady. Biraq, bul rette juqtyrý jaǵdaılaryn tikeý joǵary deńgeıde qalyp otyr. Bul COVID-19 boıynsha qolaısyz epıdemıologııalyq jaǵdaıdy kórsetip, qala «sary» aımaqta qalýyn jalǵastyrýda», - dedi S. Beısenova elorda ákimdiginde ótken brıfıngte.

Mamannyń aıtýynsha, jyl basynan beri qalada KVI boıynsha syrqattaný sany 139 529 bolsa, pandemııa bastalǵaly – 152 050 jaǵdaı tirkeldi.

Bir apta ishinde koronavırýs boıynsha 834 jaǵdaı tirkeldi, syrqattaný kórsetkishi aldyńǵy aptadan 0,9 paıyzǵa tómen.

«Qalada orta eseppen táýligine 122 jaǵdaı tirkeldi. Dınamıkada jeltoqsan aıynyń basynda qarashanyń basymen salystyrǵanda syrqattaný kósretkishi 0,9 paıyzǵa tómendegeni baıqalady. Bul halyqtyń arasynda vaktsınalaý jumysynyń artýymen baılanysty», - dedi Sarhat Beısenova.