Elordada qutqarýshylar qar tazalaýǵa kómektesti

NUR-SULTAN. QazAqparat – Tótenshe jaǵdaılar boıynsha komıtet pen TJ boıynsha elordalyq departamenttiń qyzmetkerleri qyzmettiń kúsheıtilgen rejiminde elorda turǵyndaryn qar qursaýynan shyǵaryp qana qoımaı, zeınetkerlerge qol ushyn sozdy, dep habarlaıdy QazAqparat.

Búgin 100-ge tarta qutqarýshy halyqtyń áleýmettik turǵyda muqtaj sanatyndaǵy adamdaryna – zeınetkerlerge, sonymen birge «Balalar úıine», №88 orta mektepke, №85 «Meıirjan» men №61 balabaqshaǵa kómektesip, qaryn kúrep, úlken is tyndyrdy.

23-25 qańtar aralyǵynda elordalyq TJD qyzmetkerleriniń kúshimen qar qursaýynan 144 adam qutqarylyp, 5 adam qaýipsiz jerge kóshirilip, batyp qalǵan 94 kólik qar qursaýynan shyǵarylǵan.

№88 shuǵyl jelisine 25 qańtarda saǵat 08.00-den bastap 1060 qońyraý kelip túsken. Onyń 748-i (70 paıyzy) joldardyń ashylýyna baılanysty suraqtar bolyp otyr.

Elordanyń qutqarýshylary qala shetine shyǵý josparyn keıinge qaldyrýǵa jáne aýa raıyn, jolǵa qoıylatyn shekteýlerdi baqylaýǵa keńes beredi. Qardyń qalyń túsýine baılanysty elordadaǵy kommýnaldyq qyzmetterge táýlik boıy jumys júrgizýden basqa amal qalmady. Tursynbek Qabatlov bastaǵan ónerpazdar qardan tazartýǵa baılanysty marafon bastap, bul bastama búkil eldiń qoldaýyna ıe bolyp jatyr. Chellendjdi tipti el Prezıdenti Qasym-Jomart Toqaev qoldap, bul bastamany Volonterlar jylyndaǵy oıly qadamǵa teńedi. Tipti elordadan bólek óńir-óńirlerde atalmysh aktsııa halyqtyń qoldaýyna ıe boldy.