Elordada qurylys kompanııalary shtattyq rejımde jumysyn jalǵastyra beredi

NUR-SULTAN. QazAqparat – Qurylys jáne olardyń merdiger kompanııalary sanıtarlyq normany kúsheıte otyryp, shtattyq rejımde jumys isteı beredi. Bul týraly Ortalyq kommýnıkatsııalar qyzmetinde ótken baspasóz konferentsııasynda aıtyldy, dep habarlaıdy QazAqparat tilshisi.

«Sanıtarlyq epıdemııaǵa qarsy keńeıtilgen is-sharalar kesheni iske asyrylýda. Aıaldamalar, qoǵamdyq kólikter, kóshe boılary jáne ózge de áleýmettik mańyzy bar nysandardy sanıtarlyq retteý jáne dızenfektsııalaý jumystary uıymdastyrylýda. Azyq-túlik satatyn saýda jelileri men dúkenderdiń úzdiksiz qyzmet etý múmkindigi qamtamasyz etilýde. Qoǵamdyq tamaqtaný oryndarynda onlaın tapsyrys berý júıesi uıymdastyryldy. Bıznes ortalyqtary, stomatologııa, shashtaraz jáne basqa halyqqa jekeleı qyzmet kórsetý oryndary tańǵy saǵat 10:00-den keshki saǵat 17:00-ge deıin jumys isteý rejımine kóshe alady», - deıdi Nur-Sultan qalasy ákiminiń orynbasary Baqtııar Máken.

Ol azamattardy shyndyqqa janaspaıtyn málimetter taratý jáne arandatýǵa jol bermeýge shaqyrdy.

«Qurylys jáne olardyń merdiger kompanııalary sanıtarlyq normany kúsheıte otyryp, shtattyq rejımde jumysyn jalǵastyra beredi. Tulǵalar jáne zańdy tulǵalar shekteý sharalaryn, sonyń ishinde karantındik rejımde oryndaýǵa mindetti. Taǵy bir aıta keterligi, memlekettik mekemeler jarııalaǵan resmı derekter men aqparattarǵa ǵana senińizder», - deıdi ol.