Elordada Qurban aıtqa baılap qoıǵan buqa qashyp ketip, polıtseılerdi ábigerge saldy
11:54, 19 Shilde 2021
NUR-SULTAN. QazAqparat – 18 shildede polıtsııaǵa elordadaǵy A.Jubanov kóshesinde buqa júrgeni týraly habar kelip tústi, dep habarlaıdy QazAqparat Nur-Sultan qalasy PD-nyń baspasóz qyzmetine silteme jasap.
Polıtsııa qyzmetkerleri buqany joldyń kólik júretin jolaǵynan aıdap shyqty. Ol apatty jaǵdaı týdyryp, jol-kólik qozǵalysyna kedergi jasaǵan. Buqany polıtseıler A.Imanov kóshesindegi úıdiń aýlasyna baılady.
29 jastaǵy er adamnyń buqany Qurban aıtqa aldyrǵany anyqtaldy, alaıda ol qashyp ketken. Buqanyń ıesine qatysty ákimshilik hattama toltyryldy.