Elordada kóterme-taratý logıstıka ortalyǵy salynady

NUR-SULTAN. QazAqparat - Elordada memlekettik-jekeshelik seriktestik arqyly kóterme-taratý ortalyǵy salynady. Qalalyq Investıtsııalar jáne kásipkerlikti damytý basqarmasynyń basshysy Erlan Bekmurzaev osylaı málim etti, dep habarlaıdy QazAqparat Elorda ınfoǵa silteme jasap.

«Kóterme-taratý ortalyqtarynda kókónis saqtaý jelisin damytý boıynsha naqty ınvestorlarmen jumys isteýdi bastadyq. Qazirgi ýaqytta kóterme-taratý ortalyqtarynyń qurylysy boıynsha 3 ınvestor bar. Sonymen qatar, mınıstrlikpen birlesip memlekettik-jekeshelik seriktestik arqyly qosymsha kóterme-taratý ortalyqtaryn salý jónindegi jumys júrgizilip jatyr. Bul ınfraqurylymnyń bári bolashaqta elordanyń áleýmettik azyq-túlik qaýipsizdigin qamtamasyz etedi», – deıdi basqarma basshysy.

Eske sala ketsek, QR Saýda jáne ıntegratsııa mınıstrligi «Ulttyq taýar ótkizý júıesin qurý» jobasyn memlekettik-jekeshelik seriktestik kómegimen ázirleýdi qolǵa aldy.

Al, sáýir aıynyń sońynda Úkimet basshysy Asqar Mamın ákimdikterdiń bárine kóterme-taratý ortalyǵyn salý úshin arnaıy jer ýchaskesin bólýdi mindettegen bolatyn.