Elordada koronavırýstyń jańa tolqynyna daıyndyq qalaı júrgizilip jatyr
Onyń atap ótýinshe, búginde elordada koronavırýs indetiniń táýlik saıyn 3-ten 20-ǵa deıin jaǵdaıy tirkeledi. Basym bóliginde aýrý belgileri bar. Mektep jasyndaǵy balalardyń arasynan da koronavırýs anyqtalýda. Qazirgi ýaqytta onlaın rejımde bilim alǵan 9 jáne oflaın rejımde oqyǵan 2 oqýshyda koronavırýs tabylǵan. Osyǵan oraı mektepter tıisti sharalar qabyldady. Onlaın oqyǵan balalarmen baılanysta bolǵandardyń arasynda koronavırýs tabylǵan joq.
«Qazirgi ýaqytta mektepterge monıtorıng júrgizip jatyrmyz. 105 mektep men 29 balabaqsha tekserildi. Karantın talaptaryn buzǵany úshin 1 mektep pen 3 balabaqshaǵa hattama toltyryldy. Ereje buzýshylyqtar negizinen maska rejımin saqtamaý bolyp otyr», - dedi Zeken Isaqov #ANTIKOR.LIVE» jobasy aıasynda «ANTIKOR ORTALYǴY» alańynda.
Departament basshysynyń aıtýynsha, búginde elordadaǵy reprodýktıvtilik sany respýblıkalyq kórsetkishten birshama joǵary bolyp, 1,2 paıyzdy quraǵan.
«Medıtsına uıymdarynyń daıyndyǵyna da monıtorıng júrgizip jatyrmyz. 9 qyrkúıekten qalanyń densaýlyq saqtaý nysandaryna 36 monıtorıngtik tekserý júrgizilip, 34-inde eskertýlerge baılanysty usynym berildi. Qalada koronavırýs indetiniń qaıta órshýi kezinde ınfektsııalyq, karantındik jáne provızorlyq tósek-oryn qurý tártibi aıqyndalǵan. Birinshi kezeńde 5, ekinshi kezeńde 17 ınfektsııalyq statsıonar jumys isteıtin bolady. Al úshinshi kezeńde qonaq úıler men jataqhanalardy paıdalaný josparlanǵan. Osylaısha, ekinshi tolqyn oryn alǵan jaǵdaıda 5 myńnan astam tósek-orynmen qamtýdy kózdep otyrmyz», - dedi ol.
Sonymen qatar ol elorda dárihanalarynda medıtsınalyq maskalardyń bolýyna da monıtorıng júrgizilip jatqanyn aıtady.
«Búginde maska baǵasy 60 teńge turady. Degenmen, onyń baǵasyn arzandatýdy josparlap otyrmyz. 40 teńgeden aspaıtyn jańa shekti baǵa bekitilip qalýy múmkin. Arnaýly maskalardyń ekinshi sanatynyń baǵasy shamamen 60 teńge bolady. Qazirgi ýaqytta eordada qýaty 7 myń testten asatyn 14 zerthana jumys istep tur. Olardyń búgingi júktemesi 40 paıyz ǵana. Kúnine ary ketkende 2,5 myń test jasaımyz», - dedi Zeken Isaqov.
Departament basshysy elordada ótemaqy alatyn 1 307 medıtsına qyzmetkeri bar ekendigin jáne tólem osy aptada beriletindigin atap ótti.
«Ókinishke oraı 24 qyzmetkerden aıyrylyp qaldyq. Olardyń barlyǵynyń otbasyna 10 mln teńge mólsherinde ótemaqy beriledi. Sonymen qatar qazirgi ýaqytta qalada dári-dármektiń jetkilikti kólemi bar ekendigin resmı túrde aıta alamyn. Biz dárihanalarda dári-dármektiń qansha kólemi bar ekendigi týraly aqparatty da jarııalap otyramyz», - dedi ol.