Elordada koronavırýspen kúreste kómektesken volonterler marapattaldy
Elorda ákimdiginen málim etkendeı, polıtseıler pandemııa kezinde qoǵamdyq tártip pen shekteý sharalaryn saqtaýǵa belsendi atsalysqan eriktilerge alǵys aıtty.
Polıtsııa departamenti bastyǵynyń mindetin atqarýshy Baqytjan Malybaev óz sózinde eriktilerdiń eńbegi búkil qoǵam úshin úlgi ekenin jetkizip, alǵys hattar men syılyqtar tabys etti.
Sonymen qatar jergilikti polıtsııa qyzmeti basqarmasynyń aǵa ınspektory Gúlmıra Shrahmetova rızashylyǵyn bildirdi. Ol karantın kezinde kómek kórsetken jáne ýaqytpen sanaspaı, qoǵam ıgiligi úshin qyzmet etken volonterler eńbegin erekshe atap ótti.
Tártip saqshylary volonterlermen odan arǵy yntymaqtastyqqa senim bildirdi.
Eske salaıyq, Memleket basshysynyń bastamasymen 2020 jyl Volonter jyly bolyp jarııalandy.