Elordada koronavırýs týraly ózekti aqparatty ákimdiktiń saıtynan bilýge bolady

NUR-SULTAN. QazAqparat - Qalada táýlik boıy «jedel jeli» jumys isteıdi. Halyqty ýaqytyly aqparattandyrý úshin elorda ákimdiginiń saıty jańa paraqshany iske qosty, dep habarlaıdy QazAqparat ákimdik saıtyna silteme jasap.

Jańa resýrstan turǵyndar koronavırýs ınfektsııasy týraly resmı málimetti taba alady. Paraqshada COVID-19 jaǵdaıy, dúkender men basqa da saýda nysandary, oqý oryndary, kólik, dinı mekemeler (meshitter men shirkeýler), mádenı jáne sport mekemeleriniń rejımi men jumys jaǵdaıy týraly sońǵy jańalyqtar jarııalanady.

Sonymen qatar paraqshada COVID-19 bar-joǵyna testileýden qaıda ótýge bolatyny, zerthanalardyń mekenjaıy, oqshaýlaý rejıminde ózin-ózi qalaı ustaý keregi, dáriger baqylaýymen úıde emdelý, dárihanada dári-dármektiń bar-joǵy týraly aqparat bar.

Koronavırýs boıynsha «jedel jeli» (táýlik boıy) – [phone]; 1406; 109.

Jedel járdem – 103.

Erikti bolý – [phone];

psıhologııalyq qoldaý qyzmeti – [phone], [phone], [phone];

qan plazmasyna donor bolý – [phone] (tirkeý), [phone] (tirkeý), [phone] (senim telefony).

Eger jumyssyz qalsańyz, myna nómirge [phone] qońyraý shalyńyz. Qajetti qyzmettiń nómirin tańdap, mamanǵa habarlasyńyz.

Sońǵy málimet boıynsha, Nur-Sultan qalasynda 3 788 KVI jaǵdaıy tirkeldi, emdelip shyqqandar sany – 2721, 61 adam qaıtys bolǵan.