Elordada koronavırýs indetine qarsy 3 vaktsına qoljetimdi

NUR-SULTAN. QazAqparat – Elorda turǵyndaryna koronavırýs indetine qarsy úsh vaktsına qoljetimdi. Bul týraly Nur-Sultan qalasy Qoǵamdyq densaýlyq saqtaý basqarmasynyń bas mamany Jeleýhan Primqulov málim etti, dep habarlaıdy QazAqparat tilshisi.

«Qalada elordalyqtardyń tańdaýyna 3 túrli vaktsına bar: otandyq QazVak vaktsınasy, reseılik Spýtnık pen qytaılyq Sınofarm», - dedi J. Primqulov.

Onyń aıtýynsha, qalada vaktsınatsııalanǵandar arasynda ótetin eki bólmeli páterdiń utys oıynynyń ýaqyty uzardy. Osylaısha, 25 maýsym men 28 qyrkúıek aralyǵynda (28 qyrkúıek kúnin qosa alǵanda, buryn 31 tamyz bolǵan) Nur-Sultanda ekpe alǵandardyń eki bólmeli páter utyp alý múmkindigi bar. Utys oıynyna osy jyldyń 25 maýsymy men 28 qyrkúıegi aralyǵynda vaktsınanyń birinshi komponentin alǵan 18 jastan asqan turǵyndar qatysa alady. Bul utys oıynyna vaktsınalaýdyń barlyq pýnkti qatysady.

Buryn habarlaǵandaı, elordada koronavırýs juqtyrý deńgeıi tómendedi.