Elordada kórkem gımnastıkadan halyqaralyq týrnır ótip jatyr

<p>ASTANA. KAZINFORM &mdash; Astana qalasynda kórkem gımnastıkadan FIG dárejesindegi halyqaralyq týrnır ótip jatyr. Bul týraly elorda ákimdiginiń resmı saıty jazdy.</p>

Álemdik kúntizbege engen halyqaralyq týrnırde otandyq sportshylardan bólek, Ońtústik Koreıa, Qyrǵyzstan, Ázerbaıjan jáne beıtarap eldiń kórkem gımnastshylary keldi.

«Halyqaralyq kórkem gımnastıka federatsııasynyń jarysyn qabyldaý talaptary joǵary. Birinshiden, sport kesheniniń bıiktigi, jaryǵy, 3 myń adam sııatyn oryndyǵy jáne basqa da birneshe kórsetkishke laıyq bolýy shart. Ekinshiden, osy deńgeıdegi týrnırdi ótkizgende keminde 5 el qatysýy tıis. Ókinishke qaraı, sońǵy sátte Egıpet eli kelýden bas tartty. Úshinshiden, tek bizdiń Alem akademııasynda elektrondy tablo bar. Bul da jarystyń iri deńgeıde uıymdastyrýylýyna áser etedi», - dedi Álem halyqaralyq kórkem gımnastıka akademııasynyń basshysy Ásem Baqytjanqyzy.

Foto: Astana qalasy ákimdiginiń baspasóz qyzmeti

Jarysta bura tartýshylyq bolmaý úshin tóreshilerdiń 50% otandyq, 50% Iran, Ózbekstan, Ońtústik Koreıa, Ázerbaıjan, beıtarap elden keldi.

22-24 naýryz kúnderi ótip jatqan halyqaralyq týrnırde 150-den astam sportshy baq synaýda. Olar 2006-2008 jylǵy jáne 2008 jyldan keıin dúnıege kelgen jasóspirimder birneshe júlde boıynsha saıysady.

Jarystyń birinshi kúni sportshylar shyǵyrshyq jáne dop saıysy boıynsha irikteý kezeńinde óner kórsetti. Al jeńimpazdar 24 naýryzda anyqtalady.