Elordada kórkem gımnastıkadan «ALEM CUP» halyqaralyq týrnıri ótedi

<p>ASTANA. KAZINFORM &mdash; Elorda tórindegi &laquo;Qazaqstan&raquo; jeńil atletıka sport kesheninde 22-25 naýryz aralyǵynda kórkem gımnastıkadan &laquo;ALEM CUP&raquo; halyqaralyq týrnıri ótedi.&nbsp;</p>

Atalmysh dodaǵa 2008 j.t. jáne odan úlken, 2009-2010 j. t. jáne odan kishi sanattaǵy sportshylar qatysady. Sondaı-aq qatysýshylar toptyq jattyǵýlarda da baqtaryn synaıdy. 

Jarys Halyqaralyq gımnastıka federatsııasynyń (FIG) kórkem gımnastıka boıynsha 2022-2024 jj. qoldanystaǵy erejelerine sáıkes ótkiziledi.

Aıta keteıik, bul jarys álemdik Federatsııa lıtsenzııasy bar gımnasttar keletin kórkem gımnastıka boıynsha lıtsenzııalanǵan týrnır bolmaq. 

- «Astana tórinde ótetin kórkem gımnastıka áleminde kópten kútken is-shara. Kórkem gımnastıkadan lıtsenzııalanǵan týrnırge Egıpet, Ońtústik Koreıa, Qyrǵyzstan, Qazaqstan, Belarýs elderiniń ulttyq quramalarynan álemdik federatsııanyń lıtsenzııasy bar sportshylar keledi. Basty maqsat – elder arasyndaǵy eń úzdik gımnasttardy anyqtaý. Oǵan qosa elordada ótetin «ALEM CUP» halyqaralyq týrnıri álemdik kúntizbelik josparǵa engizildi. Bizdiń Qazaqstan sonyń ishinde astanalyq arýlarymyz ózderin jaqsy qyrynan kórsetedi dep oılaımyn», - dedi álem halyqaralyq kórkem gımnastıka Akademııasynyń basshysy Ásem Baqytjanqyzy.

Aıta keteıik, baıraqty báseke Astana qalasy ákimdiginiń, Qazaqstan Respýblıkasy Týrızm jáne sport mınıstrliginiń jáne Qazaqstandyq gımnastıka federatsııasynyń qoldaýymen ótedi.