Elordada kópshilikke jol-kólik ınfraqurylymyndaǵy sońǵy jetistikter usynylady

ASTANA. QazAqparat - Elordada «QazAvtoJol» Ulttyq kompanııa» AQ jáne «Stinex» JShS jol-kólik ınfraqurylymy salasynyń sońǵy jetistikteri kórsetiletin «KazAvtoJol-KazTraffic-2015» atty XII halyqaralyq kórme ótedi. Bul týraly QR IDM baspasóz qyzmetinen habarlandy.

18 qarasha kúni «Kórme» ortalyǵynda QR Investıtsııa jáne damý mınıstrligi basshylyǵynyń qatysýymen kórmeniń saltanatty túrde ashylý rásimi men ekspozıtsııany tamashalaý bolady. Kórme aıasynda 18-19 qarasha kúni «Innovatsııa jáne jol qurylysyndaǵy zamanaýı tehnologııalar» atty konferentsııa uıymdastyrylady. Konferentsııaǵa Reseı, Kanada jáne Japonııa elderinen jetekshi ǵalymdar men mamandar qatysady. Sonymen qatar, Fınlıandııa, Shvetsııa, Qytaı elderinen ǵalymdar men sarapshylar shaqyryldy.

«KazAvtoJol-KazTraffic-2015» kórmesine barlyǵy 200-ge jýyq delegat qatysady. Olardyń qatarynda birqatar elderden keletin kólik vedomstvolarynyń, halyqaralyq jáne aımaqtyq uıymdardyń, qarjylyq jáne jobalaý ınstıtýttarynyń, iri sheteldik jáne qazaqstandyq kólik-logıstıkalyq jáne merdigerlik kompanııalardyń ókilderi bar.