Elordada kópqabatty úıge krannyń qulaýy boıynsha tekserý aıaqtaldy

NUR-SULTAN. QazAqparat – Nur-Sultan qalasyndaǵy «Kórkem Taýer» turǵy úı kesheninde bolǵan tótenshe oqıǵany tekserý aıaqtaldy, dep habarlaıdy QazAqparat tilshisi.

«2022 jylǵy 28 sáýirde qurylys-montajdaý jumystary kezinde (bas merdiger «Intex contract» JShS) QY25 markaly avtomobıl krany «Kórkem Taýer» turǵyn úı kesheniniń 6-qabatyndaǵy páterdiń terezesin syndyrǵan bolatyn. «Stroıklass-Mehanızatsııa» JShS barlyq múddeli tarappen birge komıssııa qurdy. Komıssııa, oqys oqıǵanyń avtomobıl kranynyń júk kótergish shektegishi men jebe uzyndyǵynyń sensory jumys istemegendikten bolǵanyn anyqtady» , - dedi QR Tótenshe jaǵdaılar mınıstrligi Ónerkásip qaýipsizdigi komıtetiniń baspasóz qyzmetinen.

Kran ıesine aıyppul salyndy.

«Sonymen qatar QR Tótenshe jaǵdaılar mınıstrligi Ónerkásip qaýipsizdigi komıtetiniń Nur-Sultan qalasy boıynsha departamentiniń qyzmetkerleri krannyń ıesin qaýipsizdik talaptaryn buzǵany úshin QR «Ákimshilik quqyq buzýshylyq týraly» kodeksiniń 298-baby 1-bóligi boıynsha ákimshilik jaýapkershilikke tartty», - delingen málimette.

Aıta keteıik, 28 sáýirde Nur-Sultandaǵy turǵyn úıdiń altynshy qabatyna kran qulaǵan bolatyn.