Elordada kópqabatty úıden sekirgeli turǵan bozbala qutqaryldy
Polıtsııanyń «102» arnasyna saǵat 13.00-de kýágerlerden Qaldaıaqov kóshesindegi úıdiń 15-shi qabatynda er adam terezeden aıaǵyn salbyratyp, sekirgeli otyrǵany jaıly aqparat kelip tústi.
Oqıǵa ornyna aǵa leıtenant Aıbek Dúısenov pen kapıtan Muratbek Omarbekovten quralǵan Astana qalasy Polıtsııa departamentiniń Patrýldik polıtsııa polkiniń jasaǵy dereý jiberildi. Polıtsııa qyzmetkerleri tez arada qabatqa kóterilip, esikterdi qaǵa bastaǵan. Oqıǵa oryn alǵan páterdiń esigin qyz ashyp, bolyp jatqan jaǵdaı týraly polıtseılerden estigen. Qalyptasqan jaǵdaıdy baǵdarlaı otyryp, tártip saqshylary páterge júgirip kirgen jáne jigittiń qozǵalǵan sátin paıdalanyp, terezeni ashyp, ony ishke qaraı tartyp kirgizgen.
17 jastaǵy jigitti mundaı is-áreketke ne ıtermelegeni anyqtalýda.
Psıhologtermen birlesip onymen profılaktıkalyq jumys júrgizildi jáne ol zańdy ókilderine tabystaldy.
Foto: Áleýmettik jeliden alyndy