Elordada kópbalaly otbasylarǵa jalǵa beriletin baspanaǵa qujat qabyldanyp jatyr

NUR-SULTAN. QazAqparat – Elordada kópbalaly otbasylar úshin satyp alý quqyǵynsyz jalǵa beriletin turǵyn úıge qujat qabyldaý bastaldy, dep habarlaıdy QazAqparat Turǵyn úı ortalyǵyna silteme jasap.

Bul baǵdarlamaǵa «Kópbalaly otbasy» sanaty boıynsha turǵyn úıge kezekte turǵan kópbalaly otbasylar (tek osy sanat) qatysa alady. 161 páterdiń barlyǵy eki bólmeli (51-77 sh.m.)

Turǵyn úıler R. Qoshqarbaev dańǵyly; E430 kóshesi; J.Omarov kóshesi; J. Nájimedenov kóshesi; A-91 kóshesi; R.Qoshqarbaev dańǵyly; Maqtymqulı kóshesinde ornalasqan.

Ótinish qabyldaý 15 jeltoqsanda bastalyp, 23 jeltoqsanǵa deıin jalǵasady.

Qujattardy qabyldaý tek elektrondy túrde kórsetilgen kezeńde («Onlaın servıster» - «Satyp alý quqyǵynsyz jalǵa beriletin turǵyn úıge ótinim berý» bólimi) zhilfond.kz saıty arqyly júrgiziledi.

Úmitker Nur-Sultan qalasynda «Kópbalaly otbasy» sanaty boıynsha turǵyn úıge kezekte turýy qajet.

Іrikteý «Kópbalaly otbasy» sanaty boıynsha kezekte turyp, qujat tapsyrǵandar arasynda ótedi.

Ótinish berý úshin ETsQ kilti; balalardyń týý týraly kýáligi/jeke kýáliginiń skanerlengen nusqasy (bolǵan jaǵdaıda); múgedektik týraly anyqtamanyń skanerlengen nusqasy (bolǵan jaǵdaıda). barlyq otbasy múshesiniń Qazaqstanda jyljymaıtyn múliginiń joqtyǵy jaıly anyqtama; nekeni qııý/buzý/ólim/ f-4 anyqtamasy qajet.

Ótinishterdi qarastyrý nátıjesi zhilfond.kz saıtynda jáne turǵyn úı ortalyǵynyń áleýmettik jelidegi paraqshalarynda jarııalanady.

Atalǵan turǵyn úıdi bergen kezde uzartý quqyǵymen 5 jyl merzimge jaldaý sharty jasalady.