Elordada kópbalaly analarǵa jańa páterler shildede beriledi

NUR-SULTAN. QazAqparat - Búgin elordada «Kópbalaly otbasy» sanaty boıynsha turǵyn úı kezeginde turǵandarǵa 150 páterdiń sertıfıkaty tapsyryldy, dep habarlaıdy QazAqparat elorda ákimdiginiń baspasóz qyzmetine silteme jasap.

«Kópbalaly otbasylarǵa arnalǵan 150 páter qalalyq«Berekeli baspana» baǵdarlamasy aıasynda tabystalady. Páterlerdi berý eki kezeńnen turady. Onyń alǵashy kezeńinde 17 maýsymǵa deıin qujattar jınaý jáne qabyldaý, al ekinshi kezeńinde 15 shildeden bastap qonystandyrý jumystary júrgiziledi», - delingen ákimdik málimetinde.

Qabyldanyp jatqan sharalar az qamtylǵan kópbalaly otbasylardyń baspana jaǵdaıyn jaqsartýǵa múmkindik beredi. Bul óz kezeginde qala turǵyndarynyń ál-aýqatynyń joǵarylaýyna septigin tıgizedi. Aıta keteıik, búginde elordada 46 myń adam turǵyn úı kezeginde tur. Onyń 3000-nan astamy kópbalaly otbasylar.

Turǵyn úı kezeginde halyqtyń áleýmettik jaǵynan osal toptaryna jatatyn azamattar tur, olardyń qatarynda kópbalaly analar, turmysy tómen azamattar, múmkindigi shekteýli jandar bar. Elordada osy jyldyń sońyna deıin shamamen 2 myń páter beriledi.

Aıta keteıik, «kópbalaly otbasy» sanatynda turǵyn úı kezeginde turǵan otbasylar Nur-Sultan qalasy ákimdiginiń «Turǵyn úı qory» kommýnaldyq memlekettik mekemesine (R.Qoshqarbaev, 39) júginýi tıis, baılanys nómiri: 79-34-50.